პირველი თებერვლიდან ნეტფლიქსზე ახალი სერიალი Russian Doll გამოჩნდება. შოუს შემქმნელები ემი პოლერი და ნატაშა ლეონე არიან. ეს უკანასკნელი კი სერიალში მთავარ როლსაც ასრულებს.

რუსული თოჯინას მთავარი პერსონაჟი ნადიაა, ახალგაზრდა ქალი ნიუ-იორკიდან რომელიც დაბადების დღის წვეულებაზე უბედური შემთხვევის შედეგად იღუპება. თუმცა, სწორედ ეს დღე, რომელიც ყველაფრის დასასრული უნდა ყოფილიყო, პირიქით ნადიას ახალი თავგადასავლის საწყისი ხდება და მისი ცხოვრება რადიკალურად იცვლება.

ნადია ცოცხლდება, თუმცა მისი ახალი ცხოვრება ზაზუნას დღეს ჰგავს - ყველაფერი ზედმიწევნით მეორდება და მისი ცხოვრების საბედისწერო დღე დილიდან-სიკვდილამდე მეორდება.

ნადიას ერთი მიზანი აქვს - ან საბოლოოდ მოუღოს ბოლო ცხოვრებას, ან ყველაფერი მოაწესრიგოს იმისთვის, რომ სიკვდილის მიზეზი აღარ მიეცეს.

სათაური რუსული თოჯინა სერიალის ერთადერთი რუსული შტრიხი არ არის, სერიალის მთავარი გმირი რატომღაც გაჭრილი ვაშლივით ჰგავს ალა პუგაჩოვას. საინტერესოა, გახდა თუ არა რუსული ესტრადის მომღერალი შოუს შემქმნელების მთავარი შთაგონების წყარო.