ინგლისელი მსახიობი შარლოტა რემპლინგი 2019 წლის ბერლინის კინოფესტივალზე საპატიო ოქროს დათვს მიიღებს.

ოსკარისა და ოქროს გლობუსის ნომინანტ რემპლინგს ჯილდოს კინოხელოვნებაში შეტანილი განსაკუთრებული წვლილის გამო გადასცემენ.

პრიზის გადაცემის გარდა, ბერლინის 69-ე კინოფესტივალზე რემპლინგის მონაწილეობით რამდენიმე ფილმსაც გაუშვებენ, მათ შორის - The Damned, Swimming Pooland Under the Sand და The Verdict .

"მოხარული ვარ, რომ წელს საპატიო პრიზი გადაეცემა ისეთ არაჩვეულებრივ მსახიობს, როგორიც შარლოტა რემპლინგია. ის ევროპული კინოს ლეგენდაა", - ამბობს კინოფესტივალის დირექტორი დიტერ კოსლიკი.

მსახიობმა 2015 წელს ვერცხლის დათვი მიიღო ფილმში 45 წელი შესრულებული როლისთვის.

ბერლინის 69-ე კინოფესტივალი 2019 წლის 7 თებერვალს დაიწყება და 17 თებერვლის ჩათვლით გაგრძელდება. ჟიურის თავმჯდომარე კი ჟულიეტ ბინოში იქნება.

ამავე თემაზე:

ბერლინალე 2019-ის საკონკურსო ფილმების პირველი ნაწილი ცნობილია