როგორც ჩანს, ჰელოუინი წელს განსაკუთრებული იქნება, რადგან ბურგერ კინგმა სპეციალურად ამ დღისთვის განკუთვნილი, განსაკუთრებულად საშიში, მწვანე ბურგერების გაყიდვა დაიწყო.

დიახ, ბურგერ კინგი გვარწმუნებს, რომ ვინც ამ ბურგერს შეჭამს, ღამით მშვიდი ძილი არ ეღირსება.

მოსახლეობის 4 პროცენტი ყოველ ღამით ისედაც ხედავს ძალიან საშიშ სიზმრებს, თუმცა როგორც ძილის სპეციალისტი, გაბრიელ მედინა აღნიშნავს, "კოშმარი ბურგერის" ჭამის შემდეგ, ასეთი ადამიანების რაოდენობა 3,5-ჯერ გაიზარდა.

ჩვენ კი ისღა დაგვრჩენია გითხრათ, რომ დაძინებამდე ქათმის ხორცითა და ბეკონით მომზადებული არც ერთი ბურგერის ჭამა არ არის რეკომენდირებული, ხოლო თუ შთაბეჭდილებები გწყურიათ, უკვე იცით რაც უნდა ქნათ.

"ახალი ბურგერი საქართველოში არ გაიყიდება", - თქვა ბუგერ კინგის წარმომადგენელმა On.ge-სთან საუბრისას.

შესაბამისად, საქართველოში მშვიდი ძილი გარანტირებული გვაქვს.