ჯორჯ მარტინმა ფენტეზის ჟანრის რომანების სერიის წერა ჯერ კიდევ 1991 წელს დაიწყო, ხუთი წლის შემდეგ კი პირველი წიგნი გამოუშვა.

სერია ოცზე მეტ ენაზეა ითარგმნა, წიგნები კი ნიუ-იორკ თაიმსის ბესტსელერთა სიაში მოხვდა.

მოგვიანებით HBO-მ რომანების სერიაზე უფლებები შეიძინა და 2011 წელს გამოუშვა სერიალი, რომელმაც მთელი სატელევიზიო სივრცე შეცვალა.

წიგნი, ისევე როგორც მისი ეკრანიზაცია, უამრავ თემას ეხება, მათ შორის - სოციალურ იერარქიას, რელიგიებს, კორუფციას, სექსუალობასა და ა.შ. თუმცა, როგორც აღმოჩნდა, წიგნის დაწერის მიზეზი სულ სხვა, არც მეტი არც ნაკლები, კლიმატის ცვლილება გახდა.

ჯორჯ მარტინმა ამ თემაზე ნიუ-იორკ თაიმსთან ინტერვიუში ისაუბრა.

როგორც მწერალი ამბობს, მთავარი პრობლემა ისაა, რომ პერსონაჟები პირად მიზნებს მისდევენ და რეალურ, მოსალოდნელ კატასტროფას საერთოდ არ აქცევენ ყურადღებას.

"პერსონაჟები იბრძვიან საკუთარი თავის გადარჩენისთვის, ძალაუფლებისთვის და სტატუსისთვის. ამ ყველაფერში იმდენად არიან ჩართულნი, რომ მთავარ საფრთხეს ვერ ხედავენ. რეალურ ცხოვრებაშიც ასეა, ჩვენ მნიშვნელოვან თემებზე ვკამათობთ და სანამ ამაზე დროს ვხარჯავთ, კლიმატური პრობლემები არსად ქრება", - ამბობს მარტინი.