ცოტა ხნის წინ ცნობილი გახდა, რომ ბენ აფლეკი, შესაძლოა, ბეტმენის როლში აღარ ვიხილოთ. შესაბამისად, მედია აქტიურად განიხილავს იმას, თუ ვინ შეიძლება გახდეს DC-ის სამყაროში ახალი სუპერგმირი.

ერთ-ერთი აქტიური განხილვის თემა კიტ ჰარინგტონია, თუმცა არსებობენ სხვა კანდიდატებიც.

მაგალითად, სერიალ Mad Men-ის მსახიობმა, ჯონ ჰემმა თქვა, რომ ის ბეტმენის როლით დაინტერესებულია, თუმცა ახლა მთავარი ისაა, როგორი იქნება სცენარი.

"კომიქსის დიდი ფანი ვარ. 9 წლის ვიყავი როდესაც წავიკითხე და შემიყვარდა ეს ჟანრი. დაინტერესებული ვარ ბეტმენის როლით, თუ ამ როლს შემომთავაზებენ, იმედია სცენარიც კარგი იქნება", - ამბობს ჰემი.

აქვე შეგახსენებთ, რომ რამდენიმე დღის წინ სუპერგმირების სამყარო ერთმა მოულოდნელმა ამბავმა შეძრა - ჰენრი კავილი სუპერმენის როლს აღარ ითამაშებს!