რაიან მერფისა და ბრედ ფალჩუკის სახელი სერიალების მოყვარულთათვის უცხო ნამდვილად არ არის. FX-ის საკულტო სერიალების - American Horror Story, American Crime Story-სა და Feud-ის შემქმნელებმა ერთგულ მაყურებელს კიდევ ერთ ახალ შოუს შესთავაზეს, სახელად - 9-1-1.

სერიალში მთავარ როლებს კონი ბრიტონი და ანჯელა ბასეტი ასრულებენ, ახალ სეზონში კი მათ ჯენიფერ ლავ ჰიუიტიც შეუერთდა.

მერფისა და ფალჩუკის ახალი დრამა პოლიციელებზე, მეხანძრეებსა და ექიმებზე მოგვითხრობს, რომლებსაც მთელი ამერიკის მასშტაბით ყველაზე რთულ და ხშირად უცნაურ გამოძახებაზე უწევთ სიარული. შოუ სწორედ მათი ცხოვრებისა და საქმიანობის საინტერესო დეტალებზე მოგვითხრობს და გვიჩვენებს, თუ რა ხდება მას შემდეგ, როდესაც 911-ზე ზარი შედის.

9-1-1 მეორე სეზონით 23 სექტემბერს დაბრუნდება.