პინკი თავისი ფანების მიმართ ყოველთვის განსაკუთრებული სითბოთი და სიყვარულით გამოირჩეოდა და მან ეს კიდევ ერთხელ დაამტკიცა, როდესაც ავსტრალიაში თავისი მსოფლიო ტურნეს, Beautiful Trauma, ფარგლებში კონცერტს მართავდა.

ამერიკელი მომღერლის ერთ-ერთ თინეიჯერ ფანს 1 თვის წინ დედა გარდაეცვალა. კონცერტზე მისულმა გოგომ აბრა მიიტანა, წარწერით — "მე ლეა მქვია და 14 წლის ვარ, გასულ თვეში ჩემი ლამაზი დედა გარდაიცვალა და გთხოვ, შენი ჩახუტება ახლა ძალიან მჭირდება".

პინკმა წარწერა როდესაც შენიშნა, კონცერტი გააჩერა, მსმენელთა რიგებში ჩავიდა და მგლოვიარე გულშემატკივარს ჩაეხუტა.

ლეამ მომღერალთან გადაღებული სურათები ცოტა ხნის შემდეგ ინსტაგრამზე გამოაქვეყნა, ჟურნალისტებთან საუბრისას კი თქვა, რომ პინკთან ჩახუტება მისთვის ოცნების ასრულების ტოლფასი იყო.

So this happened last night!!!!! @pink (don’t mind my face, I was crying ALOT)

A post shared by Leah (@leah.m.m) on