უკვე მთელმა მსოფლიომ იცის, რომ ეფლი ახალი თაობის iPhone X-ზე მუშაობს. დაპირების თანახმად, ეს რევოლუციური სმარტფონი უნდა იყოს, რომელიც წინამორბედებისგან რადიკალურად იქნება განსხვავებული, თუმცა საიდუმლოს შენახვა დიდი ხნით ვერ მოხერხდა.

ახლახან iPhone X-ის შესახებ მნიშვნელოვანი დეტალები შემთხვევით გახდა ცნობილი. ბრაზილიური საიტის, iHelpBR-ის თანახმად, iOS 12 Beta 5-ში ჩამალულია კოდი, რომელიც მიგვანიშნებს, რომ 16-სანტიმეტრიან მოდელს, iPad-ის მსგავსად, პეიზაჟის რეჟიმი ექნება.

ფოტო: IHELPBR

საიდან ვიცით ეს ყველაფერი?

წინა გაჟონვის შედეგად გავიგეთ, რომ iPhone X Plus-ის ეკრანის გარჩევადობა 2688 x 1242 იქნებოდა (ბევრად მეტი, ვიდრე წინა iPhone-ის შემთხვევაში იყო). ზემოთ ნახსენებმა ბრაზილიურმა საიტმა, ეფლის Xcode iOs სიმულატორით iOS 12 beta 5 ამ ზომის ეკრანზე გაუშვა, რის შედეგადაც ოპერაციული სისტემის დამალული ფუნქციები გამჟღავნდა.

ეფლს პეიზაჟის რეჟიმი აიფონის Plus მოდელებისთვის აქამდეც გამოუყენებია, თუმცა ეს ფუნქცია მხოლოდ კონტაქტებისა და კალენდრის ჩვენებით შემოიფარგლებოდა.

მარცხნიდან მარჯვნივ: iPhone X (მეორე თაობა), ბიუჯეტური iPhone X და iPhone X Plus

ფოტო: BEN GESKIN

სავარაუდოდ, ფუნქცია მხოლოდ iPhone X Plus-ის შემთხვევაში იქნება ხელმისაწვდომი.