კოსმოსში გატარებული პირველი 3 თვის შემდეგ ნასას ახალმა ტელესკოპმა უცხო პლანეტების ძებნა დაიწყო.

ხომალდს ოთხი სხვადასხვა კამერა აქვს, რომლითაც ჩვენს გალაქტიკაში არსებულ ვარსკვლავებს სურათებს გადაუღებს. პირველ კადრებს აგვისტოში მივიღებთ

ტესი (ასე ჰქვია ახალ ტელესკოპს) 18 აპრილს დედამიწის გარშემო სუპერ ელიფსურ ორბიტაზე Falcon 9-ის საშუალებით განთავსდა. ის განსაკუთრებით ისეთ ეგზოპლანეტებს ეძებს, რომლებიც შესაძლოა მზის სისტემასთან ახლოს მდებარე ვარსკვლავების გარშემო ბრუნავდნენ. TESS ასეთ ობიექტებს ფოტოებს გადაუღებს და მათი სინათლის ინტენსივობას დააკვირდება, თუ მათ გარშემო პლანეტა მოძრაობს, ის თავის ვარსკვლავს ნაწილობრივ დაფარავს და სინათლის ინტენსივობის შემცირებას გამოიწვევს.

ხომალდს დედამიწის გარშემო ერთი ორბიტის შესასრულებლად 14 დღე სჭირდება. სუპერ ელიფსური ორბიტა ხომალდს დაახლოებით მთვარის მანძილზე გაიყვანს, ამ დროს ის სამეცნიერო დაკვირვებებს განახორციელებს, ხოლო დედამიწასთან მოახლოებისას კი შეგროვებულ ინფორმაციას მიწაზე განთავსებული ანტენებისკენ გამოგზავნის.

ხომალდის მისია 2 წელზეა გათვლილი, თუმცა მეცნიერები ფიქრობენ, რომ ის ორბიტაზე ბევრად უფრო დიდი ხნის განმავლობაში დარჩება.