ხელი ავწიოთ რამდენ ჩვენგანს უნახავს სტუდია გიბლის ფილმი Spirited Away? შეგიძლიათ ხელი დაუშვათ, ისედაც ყველამ ვიცით რომ იმაზე ბევრად მეტნი ვართ, ვიდრე ეს რომელიმე ჩვენგანს წარმოუდგენია.

Spirited Away ეკრანებზე 2001 წელს გამოვიდა და დღესაც ისეთივე პოპულარობით სარგებლობს როგორც 15 წლის წინ. იაპონური კინოს ისტორიაში კი მიაძაკის ანიმაცია ყველაზე წარმატებული ფილმი გამოდგა, რომელმაც ოსკარიც მიიღო და შემოსავალმა 300 მილიონ დოლარს მიაღწია.

ფოტო: Studio Ghibli

მიუხედავად იმისა, რომ ფილმის გამოსვლიდან აგერ უკვე 15 წელი გავიდა, დღემდე არ წყდება განხილვა თემაზე, თუ რეალურად რას ასახავს, როგორ იშიფრება და რაში მდგომარეობს ამ ფილმის არსი.

იმის გამო, რომ საბოოლოოდ დასრულებულიყო ეს გაუთავებელი კითხვები, მიაძაკის ერთ-ერთმა ფანმა გიბლის სტუდიას წერილი მისწერა, რომელშიც ითხოვდა, რომ მისთვის რეალურ აეხსნათ ფილმის სიუჟეტი და მასში დაშიფრული კოდები. ჩვენც და თავად წერილის ავტორსაც გაუკვირდა როდესაც მან სტუდიისგან პასუხი მიიღო.

ფოტო: 0910noncha

წერილის ავტორს აინტერესებდა თუ რატომ გადაიქცნენ მთავარი პერსონაჟის მშობლები ღორებად, რა იყო მათ საკვებში გარეული და როგორ ჩააბარა ტიჰირომ თავისი ბოლოს გამოცდა.

ფოტო: Studio Ghibli

პასუხი, რომელიც ორ გვერდიანი იყო, ამ საკითხთან დაკავშირებით ფანების მოსაზრებებს ადასტურებდა. ტიჰიროს მშობლების ტრანსფორმაცია სიხარბის გამო მოხდა, რომელიც პირდაპირ კავშირში იყო იაპონიის 80-იანი წლების ეპოქასთან.

წერილში ასევე აღწერდნენ, რომ ეს გარდასახვა თავისებურ ხასიათს ატარებდა, რომლის მთავარი მიზანიც იყო, რომ ბუნების სიხარბე რეალურ ცხოვრებაში გადმოეტანათ. რეალურად ტიჰირომ იცოდა, რომ ფერმაში მყოფი ღორებიდან მისი მშობელი არც ერთი არ იყო, რადგან მისი აზროვნება იმ გადატანილი ექპსერიმენტების და გამოცდების შემდეგ, რაც მეორე სამყაროში ხდებოდა, შეიცვალა.

საბოლოო ჯამში, წერილში ხსნიდნენ, რომ ეს ფილმი არ იყო გოგოზე რომელსაც "უნიკალური გული" ჰქონდა, რეალურად ეს იყო ამბავი გოგოზე რომელიც საკუთარ შიშებს პირისპირ შეეჯახა და რომელმაც რეალურად გაიგო ცხოვრების ფასი.

ფოტო: Studio Ghibli

რაც შეეხება მათ საკვებს? აი ეს ალბათ გამოცანად დარჩება, ბოლოს და ბოლოს ფანებს ხომ ისევ უნდა დარჩეთ საკამათო თემა.