გასულ წელს ჰოლივუდში აგორებული სკანდალი ჰარვი ვაინშტაინთან დაკავშირებით, გარდამტეხი აღმოჩნდა კინოინდუსტრიაში.

ჰარვი სექსუალური შევიწროების ბრალდებით უამრავმა ქალმა დაადანაშაულა, მათ შორის მისი ყოფილი ასისტენტები და ჰოლივუდის ისეთი გავლენიანი მსახიობებიც არიან, როგორებიც ანჯელინა ჯოლი და გვინეტ პელტროუა.

პელტროუ ნიუ-იორკ თაიმსთან ინტერვიუში ყვებოდა, რომ ვაინშტაინთან მაშინ მუშაობდა, როცა 22 წლის იყო და ფილმში Emma მთავარ როლში იღებდნენ.

გადაღებების წინ ჰარვიმ სასტუმროს ნომერში დაპატიჟა, სადაც ფიზიკურ ურთიერთობას და საძინებელში მასაჟის გაკეთებას სთხოვდა.

"ბავშვი ვიყავი და ეს ჩემთვის საშინელება იყო. უარის მიღების შემდეგ ის დიდხანს მიყვიროდა და მემუქრებოდა. ეს ჩემთვის დიდი ტრავმა იყო", - იხსენებს გვინეტ პელტროუ.

ახლახან ოსკარის მფლობელმა მსახიობმა გაიხსენა, თუ როგორ დაუჭირა მას მხარი პიტმა, როდესაც ჰარვი ვაინშტაინმა მასზე ძალადობა სცადა.

"ბრედი ვაინშტაინს დაემუქრა, როცა ძალადობის შესახებ შეიტყო ჩემ დასაცავად საკუთარი ძალა და ავტორიტეტი გამოიყენა, მაშინ, როცა ჩემს სიტყვებს არც ძალა და არც ავტორიტეტი გააჩნდა. ის საუკეთესოა. ბრედმა ჰარვის უთხრა, რომ თუ კიდევ ერთხელ მაგრძნობინებდა თავს არაკოფორტულად, მოკლავდა", - ყვება მსახიობი.

ჰარვი ვაინშტაინი ათწლეულების განმავლობაში ჰოლივუდის გავლენიანი პროდიუსერი იყო, თუმცა მისი კარიერა იმ ქალებმა დაასრულეს, რომლებზეც ის წლების განმავლობაში ძალადობდა.