ალკოჰოლურ სასმელებს თუ არ სვამთ და თან ქართულ სუფრაზე ერთხელ მაინც მოხვედრილხართ, გეცოდინებათ იმ მძიმე და აუტანელი ხვედრის შესახებ, ასეთ დროს ნებისმიერ თქვენგანს რომ თავს ატყდება ხოლმე.

ამ მიმართულებით გამოუცდელ და საკუთარ თავში დარწმუნებულ ადამიანებს კი, რომლებსაც ჰგონიათ, რომ ქართულ სუფრაზე, შემოთავაზებულ სასმელზე უბრალოდ უარის თქმაც საკმარისია, წარმოგიდგენთ 10 არასასიამოვნო და თან ძალიან სახალისო სიტუაციას, რომელშიც ნებისმიერი თქვენგანი შეიძლება აღმოჩნდეს.

აი ისინიც:

1. თავდაპირველად უნდა აღინიშნოს, რომ იმ ღონისძიებების 90%-ზე სადაც დალევას გვაძალებენ, დასწრება საერთოდ არ გვინდა, მაგრამ ჩვენ ვინ გვეკითხება?!

ფოტო: giphy

2. ადგილზე მისულს კი როცა სასმელს არ სვამ, გართობაც ძალიან გიჭირს, რადგან ირგვლივ ყველა ნასვამი და აჟიტირებულია. მაქსიმუმ მოახერხო და ბავშვებთან ერთად ლიმონათი დალიო

ფოტო: giphy

3. ისედაც აუტანელ ხმაურს, საქეიფო სიმღერები ემატება და ნასვამი სტუმრების მოვარდნისა და საცეკვაოდ ძალით გაყვანის რისკიც ერთი-ორად მატულობს

ფოტო: giphy

4. სუფრის თამადა, განსხვავებული ტემპერამენტის მქონე ადამიანებს მალევე ამჩნევს. სწორედ ამ დროს იწყება სასმელის პერმანენტული და კატეგორიული შემოთავაზებებიც

ფოტო: giphy

5. როცა დაძალებულ სასმელზე მტკიცე, მაგრამ ზრდილობიან უარს აცხადებ, სტუმრები თვალებზე გატყობენ რასაც ფიქრობ და გიბრაზდებიან

ფოტო: giph

6. ძალიან ნანობ, რომ თან 10 კოლოფი სიგარეტი არ გქონდა, რადგან დაუკითხავად ყველა შენს სიგარეტს ეწევა

ფოტო: giphy

7. შენთვის უკვე აღარავის სცალია, მაგრამ ნასვამი სტუმრები კამათით აღარ კმაყოფილდებიან და კონფლიქტების დაუსრულებელი სერიაც იწყება. შენ კი ისღა დაგრჩენია გააშველო

ფოტო: giph

8. შენ გვერდით სტუმარი ზის, რომელსაც სულ უნდა გადააწოდო საჭმელები, მიუხედავად იმისა, რომ ყველაფერი ისედაც წინ ულაგია

ფოტო: gip

9. ესეც არ კმარა და ფრონტის ხაზზე, მშობლების მოდუნებული ყურადღებით გატუტუცებული ბავშვები ჩნდებიან და მათთან დაუყოვნებლივ თამაშს გთხოვენ!

ფოტო: gi

10. დღის ბოლოს კი ყველაფერი რადიკალურად იცვლება, რადგან აღმოჩნდება, რომ ერთადერთი ხარ ვინც ფხიზელია და მანქანის მართვას შეძლებს. შენზე წუთში შეყვარებული სტუმრები კი სახლამდე მიცილებას გთხოვენ

ფოტო: giphy