მანჩესტერ იუნაიტედის მთავარ მწვრთნელ ჟოზე მოურინიოს იმედი აქვს, რომ ვენგერის გუშინდელი შეხვედრა მანჩესტერთან, მათი უკანასკნელი დაპირისპირება არ ყოფილა.

ფრანგ სპეციალისტს "ოცნებების თეატრში" გულშემატკივრები ძალიან თბილად შეხვდნენ. მას სერ ალექს ფერგიუსონმა საჩუქარიც გადასცა. ვენგერს ასევე თბილად შეხვდა მოურინიოც.

"იმედი მაქვს, ეს ჩვენი უკანასკნელი დაპირისპირება არ ყოფილა".

"თუ არა პრემიერლიგაში, იმედია, სხვაგან მაინც გველის დიდი მატჩი", - განაცხადა მოურინიომ.

თავად ვენგერის თქმით, მისთვის ასეთი დახვედრა სიურპრიზი აღმოჩნდა.

"ცხოვრებაში ყველაფერი ისე არ ხდება, როგორც წარმოგვიდგენია. ზოგჯერ ეს კარგიცაა. ჩემთვის ეს მორიგი შეხვედრა იყო, თუმცა მადლობელი ვარ მანჩესტერის გულშემატკივრების".