ჩეხეთის დედაქალაქ პრაღაში გამართულ ახალგაზრდა და ჭაბუკთა ევროპის ჩემპიონატზე სამბოში ქართველებმა 18 მედალი მოიპოვეს. მათ შორის 6 ოქრო, 6 ვერცხლი და 6 ბრინჯაო.

ევროპის ასაკობრივ ჩემპიონატზე გუნდურ ჩათვლაში საქართველოს როგორც ახალგაზრდულმა, ისე ჭაბუკთა ნაკრებმა მეორე ადგილი დაიკავა. ვაჟებმა ახალგაზრდებს შორის 3 ოქროს, 2 ვერცხლისა და 3 ბრინჯაოს მედლის მოპოვება შეძლეს, ხოლო ჭაბუკებს შორის ერთით ნაკლები ბრინჯაო მოიპოვეს.

გოგონების ნაკრები სამშობლოში 2 ვერცხლითა და 1 ბრინჯაოთი დაბრუნდა.

2018 წელს სამბოისტების მსოფლიო ჩემპიონატს ჭაბუკებსა და ახალგაზრდებს შორის საქართველოს დედაქალაქი უმასპინძლებს. შეჯიბრება 12-14 ოქტომბერს თბილისის ახალ ოლიმპიურ სასახლეში გაიმართება.