17 წლის შემტევი ნახევარმცველი ხვიჩა კვარაცხელია მიუნხენის ბაიერნთან აწარმოებს მოლაპარაკებებს. ამის შესახებ ინფორმაციას adjarasport ავრცელებს.

გამოცემის ცნობით, კვარაცხელიას შეძენით დონეცკის შახტარიცაა დაინტერესებული.

"კვარაცხელია ახალი თაობის ქართველ ფეხბურთელთა შორის ერთ-ერთი საუკეთესოა და ბრწყინვალე გოლები გააქვს. ის ბადრი კვარაცხელიას ვაჟია, რომელიც 90-იან წლებში საკმაოდ კარგი თავდამსხმელი იყო. ორჯერ გახდა აზერბაიჯანის ჩემპიონატის საუკეთესო ბომბარდირი. რამდენიმე დღის წინ კი, ბადრი კვარაცხელია სამტრედიის მთავარ მწვრთნელად დაინიშნა", - წერს გამოცემა.

adjarasport წერს, რომ ხვიჩა კვარაცხელია უკვე მიუნხენში იმყოფება.