Nike-მა, ბოლოს და ბოლოს, გამოუშვა ფეხაცმელი, რომელსაც მოდის მოყვარულები უკვე ერთი წელია ელოდებიან. მოდელმა, რომელსაც Nike Air Max 97/1 ჰქვია, შარშან რევოლუციური დიზაინის კონკურსში გაიმარჯვა. დიზაინის ავტორი ფეხსაცმელების კოლექციონერი და Air Max-ის გულმხურვალე ფანი, შონ უოზერსპუნია. ფეხსაცმელზე მისი პერსონალური დეტალებიც არის დატანილი. მაგალითად, წარწერა VA to LA მის ორ სახლს აღნიშნავს ვირჯინიასა და ლოს-ანჯელესში.

რატომ არის ეს ფეხსაცმელი განსაკუთრებული?

ფოტო: Nike

პირველ რიგში იმიტომ, რომ ის 1987 წელს გამოსული პირველი მოდელის ელემენტებს შეიცავს. როგორც სახელიდანაც ჩანს, Air Max 97/1 ორი მოდელის, 97 წლის Air Max-ისა და Air Max 1-ის ჰიბრიდია. კიდევ ერთი განმასხვავებელი დეტალი ფეხსაცმლის ენაზე დატანილი ტალღის სიმბოლოა. მთავარი კი მაინც ის ფაქტია, რომ სპორტული ფეხსაცმელი სპეციალურად ფანის მიერ, ფანებისთვისვე შეიქმნა.

მოდელის შეძენა წინასწარი დაჯავშნით იყო შესაძლებელი და ის რამდენიმე წამში გაიყიდა.

სანამ Nike სპორტულ ფეხსაცმელს უფრო დიდი რაოდენობით გამოუშვებს, შეგიძლიათ სურათებით დატკბეთ.

ფოტო: Nike

ფოტო: Nike

ფოტო: Nike

ფოტო: Nike