რეჟისორი ერმალო მაღრაძე ახალი ფილმის პრემიერისთვის ემზადება.

ტრილოგიის ბოლო ნაწილს, რომელსაც "შემოქმედი" ჰქვია, მაყურებელი 27 მარტს, კინოთეატრ "რუსთაველის" დიდ დარბაზში იხილავს. ჩვენება 20:00 საათზე დაიწყება, თუმცა ქართველი რეჟისორი 19:00-დან შეხვდება მისი შემოქმედების თაყვანისმცემლებს.

"შემოქმედი" ერმალო მაღრაძის ბოლო ნამუშევარია, რომელიც ადამიანთა მანკიერ მხარეებს გვიჩვენებს და ღმერთთან დაახლოებისკენ მოგვიწოდებს. ფილმში მთავარ როლს ყველასთვის კარგად ცნობილი და ერმალო მაღრაძის მუდმივი პარტნიორი, დათო კამკამიძე ასრულებს.

ბილეთების შეძენა Kinoafisha.ge-ზე შეგიძლიათ. დამატებითი ინფორმაციისთვის კი იხილეთ ივენთი Facebook-ზე.