ხშირადაა შემთხვევა, როცა კორპსაძრობი, იგივე შტოპორი, ხელთ შეიძლება არ გქონდეთ. მაგალითად, ახალ სახლში გადასვლისას ძველში დაგრჩათ, ან ყიდვა დაგავიწყდათ, ან მეზობელს ათხოვეთ და დაბრუნება დაავიწყდა, ან ქალაქგარეთ წახვედით და დაგრჩათ... ბოთლში გამომწყვდეულმა ღვინომ ბევრი რომანტიკული (ან, პერსპექტიული) საღამო შეიძლება გაგიფუჭოთ.

რა უნდა გააკეთოთ ასეთ დროს? როგორ უნდა გახსნათ ღვინის ბოთლი? ჩვენ შევკრიბეთ 10 საუკეთესო და ადვილი მეთოდი, რომელიც ღვინის ბოთლის უსაფრთხოდ გახსნაში დაგეხმარებათ.

1. ხრახნის მეთოდი

აიღეთ ხრახნიანი სარჭი, ჩახრახნეთ, ჩაეჭიდეთ და ამოაძრეთ. თუ გიფზე ნაჩვენები ნივთი არ მოგეპოვებათ, სინჯეთ უბრალო ხრახნით ("ვინტით"), ოღონდ მის ამოსაძრობად ბრტყელტუჩა (მტრის ენაზე - "პლოცკო") დაგჭირდებათ.

2. ნინძას მეთოდი

თუ არ გაქვთ შტოპორი, მაშინ აიღეთ თქვენი კატანა, რომელიც, რა თქმა უნდა, ყველა ქართულ ოჯახში ინახება, გაიხსენეთ თქვენი სენსეის შთამაგონებელი გამონათქვამები, ნასწავლი ილეთები, დაიწყეთ მედიტაცია, ძენში გადასასვლელად ხმადაბლა იზმუვლეთ და, როცა მზად იქნებით, შემოჰკარით ხმალი ბოთლის ყელს!

3. დერვიშის მეთოდი

საცობის ამოყვანის ეს ძველინდური მეთოდი ერთ-ერთი საუკეთესო და აპრობირებულია. აიღეთ სტვირი, დუდუკი, ან სალამური (თუ არც ერთი არ გაქვთ, ქუჩაში იპოვეთ ჯოხი და გამოთალეთ), დადეთ ბოთლი ოთახის ცენტრში, დაჯექით მის წინ ლოტოსის პოზაში და დაიწყეთ დაკვრა. ლოგიკურად, თუ ამ გზით ინდოელ დერვიშებს კალათიდან კობრები ამოჰყავთ და აცეკვებენ, ღვინის კორპიც აუცილებლად ამოვა (ცეკვაზე გარანტიას ვერ მოგცემთ).

4. თასმის მეთოდი

გახვრიტეთ საცობი, ჩატენეთ მასში გაკვანძული თოკი ან თასმა, ჩასჭირდეთ ხელი და გამოქაჩეთ. თუ თოკი არ გაქვთ, მაშინ მიდით ღორთან, რომელიც მოგცემთ ჯაგარს, რომელსაც დაწნით და ასე მოაგვარებთ პრობლემას.

5. შრედინგერის მეთოდი

მოათავსეთ ღვინის ბოთლი ყუთში და დაუმატეთ კატა. დახურეთ ყუთი და ისიამოვნეთ დარჩენილი საღამოთი. რამდენადაც თქვენ იცით, ამ მომენტში, კატამ ღვინის ბოთლი თან გახსნა და თან — არ გახსნა. ამიტომ, ნუ ჩახედავთ, აირჩიეთ გახსნილი ბოთლის ვერსია და დატკბით. მართალია, ღვინოს ვერ დალევთ, მაგრამ ბოთლი გახსნილია. ან, არ არის.

6. ბაბულიკური მეთოდი

ამ მეთოდს, შეიძლება, მოლაშქრის ან ზომბი აპოკალიფსის დროს ჯაყვის ამარა გადარჩენილის მეთოდიც დავარქვათ, მაგრამ ძირითადად და ოდითგანვე, ღვინის ბოთლის გახსნის ეს გზა, ბაბულიკების მონაპოვარი იყო, რომელც მათ "ძველი პლეადისგან" გადმოეცათ. როგორც ძველბაბულიკურ მანუსკრიპტებში ვკითხულობთ, აღნიშნული მეთოდით კორპის ამოძრობა ლისიჩკა დანებით უფრო კარგად გამოდის, მაგრამ შესაძლებელია ჩვეულებრივი სასადილო დანის გამოყენებაც. მთავარია, ე.წ. კარაქის დანა არ იყოს.

მეთოდი მარტივია: ჩაასეთ დანა კორპს და დაატრიალეთ.

7. ფროიდის მეთოდი

წამოაწვინეთ ბოთლი დივანზე, დაუჯექით თავთან, მოიმარჯვეთ კალამი და ბლოკნოტი, დაუსვით მას სხვადასხვა შეკითხვა, მოუსმინეთ, მოიპოვეთი მისი ნდობა და ის აუცილებლად გაიხსნება.

8. ბრაგუნის მეთოდი

ეს ღვინის ბოთლის გახსნის ერთ-ერთი ყველაზე ძველი მეთოდია, რომელიც სხვადასხვა ინტერპრეტაციით კეთდება. ამ გიფში პირსახოცით, ისე კი — ფეხსაცმლით აკეთებენ ხოლმე. ჩადებთ ბოთლს ფეხსაცმელში და უბაგუნებთ კედელზე. მართალია, მეთოდს ძალიან დიდი დრო და ენერგია მიაქვს, მაგრამ ბოლოს მაინც იხსნება. ჰო, და კიდევ ერთი გვერდითი მოვლენა აქვს. როგორც კი კორპი გამოვარდება, წამებში უნდა მოასწროთ ბოთლის გასწორება, თორემ ღვინო დაიქცევა.

9. დობის მეთოდი

თქვენ შეიძლება არ იცით, მაგრამ ღვინის ყველა კორპი, სინამდვილეში, სახლის ელფია, ისეთივე, როგორიც იყო დობი ჰარი პოტერიდან. ამიტომ, გაიხადეთ წინდა, გადააფარეთ ღვინის ბოთლს, რის შემდეგაც, კორპს გაუხარდება და დაიყვირებს "Cork is a free eeeeelf", ბოთლიდან ამოხტება და გაიქცევა - თქვენ მშვიდად დალიეთ ღვინო.

10. იკანოს მეთოდი

როგორც სილიკონ ველიში იტყოდნენ, იკანოს ეს რევოლუციური მეთოდი სამყაროს უკეთეს ადგილად აქცევს. ბოთლი იხსნება ადვილად, სწრაფად და ხელის მარტივი მოძრაობით, ყველანაირი ძალდატანების გარეშე.

რაც ყველაზე მთავარია, ეს მეთოდი რევერსულია. ინოვაციური ტექნოლოგიის წყალობით, დაუცლელი (დიახ, ასეთებიც არსებობენ) ბოთლის დახურვაც წარმოუდგენლად მარტივია!

დამატებით, ხრახნიანი თავსახური თქვენს ბებიასაც გამოადგება: მიუტანთ მას გამოცლილ ბოთლს და ის მას ტყემლით, საწებლით ან ტკბილი სიროფით აავსებს, შეინახავს საკუჭნაოში და ზამთარში გაგიმასპინძლდებათ.

ამ საოცრების შეძენა კი, სახლიდან გაუსვლელადაც შეგიძლიათ. ეწვიეთ იკანოს ვებსაიტს და შერჩეულ ღვინოებს ადგილზე მოგირბენინებენ.