რუსთავი 2-ის დილის გადაცემის, დილა მშვიდობისა საქართველოს, რეპორტიორს, მაიკო ჭაფოძეს ხელი პირდაპირ ეთერში სთხოვეს.

"ეს ჩემს ცხოვრებაში მართლაც საუკეთესო ფრენაა, როცა მეცხრე ცაზე ვარ სიხარულისგან" - თქვა მაიკომ პირდაპირ ეთერში. ის პარაპლანით გასაფრენად ემზადებოდა.

მოგვიანებით ბედნიერი ჟურნალისტის ფეისბუკ პოსტიდან გავიგეთ, რომ მან თქვა "დიახ". მაიკომ თავის გუნდს მადლობა გადაუხადა:

"ისეთი ემოციური იყო ეს ყველაფერი, მართლა მეცხრე ცაზე ვარ სიხარულისგან. დიახ, თანახმა ვარ, მიყვარხარ და მთელი ცხოვრება მეყვარები! Sky Kings მართლა ცის მეფეები ხართ! ისე ოსტატურად მომიწყვეთ ამხელა სიურპრიზი, რომ ეჭვიც არაფერში შემპარვია. დილა მშვიდობისა საქართველო და უღრმესი მადლობა ჩემს უსაყვარლეს და უმაგრესს გუნდს, ჩემი სიხარულის გაზიარებისთვის".