ქეთ უინსლეტისა და ლეონარდო დიკაპრიოს არაჩვეულებრივი მეგობრობის ისტორია ყველამ კარგად იცის.

საუკეთესო მეგობრები ერთმანეთს ხშირად ეკონტაქტებიან, ერთად ისვენებენ და ახლა უკვე საქველმქომედო საქმიანობასაც ერთად ეწევიან. ოსკარის მფლობელმა მსახიობებმა სიმსივნით დაავადებულ ქალს მკურნალობა სრულად დაუფინანსენს.

გემა ნუტალი, 16 კვირის ორსული იყო როდესაც ექიმებმა კიბოს დიაგნოზი დაუსვეს. ნუტალიმ კი გადაწყვიტა ქიმიოთერაპია არ გაეკეთებინა და თავისი ჯერ არ დაბადებული გოგო - პენელოპე დაეცვა.

გემას დედა ელენა დიდი ხნის განმავლობაში აგროვებდა £300 ათასს შვილის მკურნალობისთვის, თუმცა ვერ შეძლო. სწორედ ამ დროს გამოჩნდა მსახიობი ქეით უინსლეტი, რომელმაც ლეონარდო დიკაპრიოსთან ერთად ოჯახს ფინანსური მხარდაჭერა აღუთქვა და სრულ დახმარებას დაჰპირდა.

"სიმსივნის დიაგნოზი 2014 წელს დამისვეს, როდესაც ორსულად ვიყავი", - ყვება 29 წლის გემა ნუტალი.

გემამ ქიმიოთერაპიის კურსი უკვე დაასრულა და როგორც ექიმები ამბობენ ახლა ის სრულიად ჯანმრთელია.

"არც კი ვიცი მადლობა როგორ გადავუხადო, მათი დახმარების გარეშე ახლა ცოცხალი არ ვიქნებოდი. მიხარია, რომ ჩემი ისტორია გულთან ახლოს მიიტანეს და ახლა შემიძლია ვუყურო როგორ იზრდება ჩემი გოგო", - ყვება გემა.