სასწრაფო დახმარების ოპერატორებს ძალიან მძიმე სამუშაო აქვთ. მათ უწევთ ისეთი კითხვების დასმა, რომელიც პაციენტის სიცოცხლის გადარჩენაში დაეხმარებათ, მაგრამ ხშირად პასუხების მიღება უჭირთ. ამიერიდან, ხელოვნური ინტელექტის დახმარებით, დანიელი ექიმებისთვის ეს პრობლემა აღარ იქნება. 2016 წლიდან მოყოლებული სასწრაფო დახმარების დისპეჩერები ხელოვნურ ინტელექტს, Corti-ს იყენებენ. სატელეფონო ზარის შემოსვლისას, მას შეუძლია სიტყვებისა და ხმის გაანალიზება, რის შემდეგაც გულის შეტევის რისკებს ადგენს.

პირველადი ინფორმაციის მიღების შემდეგ, უფრო ზუსტი დიაგნოზის დასასმელად Corti სატელეფონო ოპერატორებს სწორი და საჭირო კითხვების ჩამონათვალს უგზავნის. შედეგად, ოპერატიული ჯგუფი ადგილზე მისვლისას გაცილებით უფრო მობილიზებული და მომზადებულია. მათ წინასწარ იციან, რა ზომები უნდა მიიღონ და როგორ მოიქცნენ.

გარდა ამ შესაძლებლობებისა, Corti სხვა სამუშაოსაც ასრულებს. ის ოპერატორს ახსენებს ისეთი ინფორმაციის მოპოვებას, როგორიცაა მოსაუბრის ვინაობის ჩაწერა, ინციდენტის ზუსტი მისამართის განსაზღვრა, ოპერატიული მანქანების მარშუტის განსაზღვრა და სხვ.

ხელოვნური ინტელექტი, რომელიც ჰოლანდიურმა Startup-მა შექმნა, განვითარების პროცესშია. როგორც ნებისმიერი ტექნოლოგია, Corti თავის შესაძლებლობებს უფრო და უფრო მეტი ინფორმაციის მიღების შემდეგ ზრდის. მომავალში, კომპანია თავისი პროდუქტის წარდგენას ა.შ.შ-ს ბაზრისთვისაც გეგმავს.