დღეს, ლისაბონში გამართულ Web Summit-ზე, უბერის აღმასრულებელმა დირექტორმა, ჯეფ ჰოლდენმა საზოგადოებას აუწყა, რომ დუბაისთან და დალას-ფოტ ვორსთან ერთად მფრინავი ტაქსის საპილოტე პროგრამას ლოს-ანჯელესიც შეუერთდება.

პროექტის ფარგლებში უბერმა კონტრაქტი NASA-სთანაც გააფორმა, რომელმაც საჰაერო კონტროლის ახალი სისტემა უნდა შექმნას, რომელსაც ახალი, სავარაუდოდ თვითმართული, მფრინავი მანქანები გამოიყენებენ. გარდა ამისა, ამ სისტემამ უნდა უზრუნველყოს, რომ საჰაერო მიმოსვლამ ხელი აეროპორტებსა და თვითმფრინავებს ხელი არ შეუშალონ და სახიფათო სიტუაციები არ შეიქმნას.

იდეის მიხედვით, მფრინავი ტაქსები მგზავრებს ქალაქის ფარგლებში, ერთი შენობის სახურავიდან მეორეზე გადაიყვანენ. თუმცა, როგორც ექსპერტები ამბობენ, ასეთი სერვისისთვის შესაბამისი ინფრასტრუქტურა არ არსებობს და პროექტის განხორციელებას ამ ეტაპზე აზრი არ აქვს.

მფრინავი მანქანების პროექტზე სხვა კომპანიებიც მუშაობენ, მათ შორის ბოინგი და ეარბასი.