2027 წლის მსოფლიო ჩემპიონატის შესარჩევ ეტაპზე, საქართველოს ეროვნული საკალათბურთო ნაკრები, 27 ნოემბერს თბილისში ამართავს შეხვედრას უკრაინასთან. 30 ნოემბერს კი ესპანეთში, ესპანეთის ნაკრებთან შესახვედრად გაემგზავრება.

ჯიკიჩის მიერ გაწვრთნილი გუნდი A ჯგუფშია წარმოდგენილი, ჯგუფიდან გასასვლელად კი დანიის ნაკრების წინააღმდეგაც იბრძოლებს.

ინფორმაციისთვის, 2027 წლის მსოფლიო ჩემპიონატს კატარი უმასპინძლებს.

ჩემპიონატში მონაწილეობას 32 გუნდი მიიღებს. საკვალიფიკაციო ეტაპი ორ რაუნდად გაიმართება და ორივე მათგანი ჯგუფური სისტემით ჩატარდება.

საქართველოს ეროვნული ნაკრების ნოემბრის შეხვედრების განრიგი:

  • 27 ნოემბერი, 20:50 | საქართველო v უკრაინა;
  • 30 ნოემბერი, 22:45 | ესპანეთი v საქართველო.

ერთად ვუგულშემატკივროთ ქართველ კალათბურთელებს მსოფლიო ჩემპიონატისკენ მიმავალ გზაზე — ნაკრების მთავარი სპონსორია საქართველოს ბანკი.