დღეს, სტუდენტებისა და კურსდამთავრებულებისთვის ერთ-ერთი ყველაზე მნიშვნელოვანი საკითხი რეალური სამუშაო გამოცდილების დაგროვებაა. თეორიული ცოდნა უნივერსიტეტში ქმნის საფუძველს, თუმცა, წარმატებული კარიერისთვის აუცილებელია პრაქტიკული უნარებიც, სწორედ, მათ ათვისებას გთავაზობთ თიბისი თავისი ახალი, ანაზღაურებადი სტაჟირების პროგრამით.

თუ ხარ მე-3 ან მე-4 კურსის სტუდენტი, ან სულ ახლახან დაასრულე სწავლა, ხარ ცნობისმოყვარე, გიზიდავს ახალი შესაძლებლობები და მზად ხარ, შენს სფეროს ინოვაციური იდეები გაუზიარო, ეს პროგრამა შენთვის არის შექმნილი.

რატომ თიბისი?

თიბისი რეგიონში ყველაზე მსხვილი ფინანსური სერვისების მიმწოდებელი კომპანიაა, სადაც მუშაობა ნიშნავს ერთდროულად პროფესიული გამოცდილების დაგროვებასა და ახალ გამოწვევებზე რეაგირების უნარს. სტაჟირების პერიოდში შესაძლებლობა გექნება, იმუშაო ისეთი მიმართულებებით, რომლებიც ყოველდღიურად ცვლის და ამარტივებს ადამიანების ცხოვრებას. ეს გამოცდილება კი, მომავალში აუცილებლად გამოგარჩევს სხვა კანდიდატებისგან.

რომელი მიმართულებებია ხელმისაწვდომი?

სტაჟირების პროგრამა მოიცავს მრავალფეროვან სფეროს, რაც სტუდენტებს საშუალებას აძლევს, აირჩიონ საკუთარი ინტერესებისა და პროფესიული მიზნების შესაბამისი მიმართულება. მათ შორისაა:

• AI და მონაცემთა მმართველობა — ხელოვნური ინტელექტის და მონაცემთა ანალიზის პრაქტიკული გამოყენება;
• საცალო, მცირე და საშუალო ბიზნესის ფინანსების მართვა — საბანკო ოპერაციების რეალური გამოცდილება;
• ბრენდის გამოცდილება და მარკეტინგი — ბრენდის გამოცდილება, საგანმანათლებლო პროექტები, სტრატეგიული კომუნიკაციები, ციფრული ზრდის გუნდი;
• კორპორატიული ბიზნესების ანალიტიკა და საკრედიტო რისკების მართვა — მსხვილი კომპანიების ფინანსური გადაწყვეტილებების მხარდაჭერა;
• საინვესტიციო საბანკო ბიზნესი (TBC Capital) — ინვესტიციებისა და კაპიტალის ბაზრების შესწავლა;
• ESG (გარემოს, სოციალური და მმართველობის საკითხები) — მდგრადი განვითარების სტრატეგიებში მონაწილეობა;
• Agile ბიზნესი — საბანკო პროდუქტებისა და სერვისების განვითარება მოქნილი მეთოდოლოგიებით;
• Compliance — შესაბამისობისა და რისკების მართვა;
  ადამიანური კაპიტალის მართვა — HR პროცესები და ტალანტების განვითარება;
• იურიდიული მიმართულება — სამართლებრივი მხარდაჭერა და საბანკო რეგულაციები.

რა შესაძლებლობებს იძლევა სტაჟირება?

პროგრამა გაგრძელდება 6-12 თვე, გექნება ანაზღაურებადი პოზიცია, შენზე მორგებული, უნივერსიტეტთან შეთავსებადი სამუშაო გრაფიკი და, რაც მთავარია, გეყოლება პირადი მენტორი, რომელიც პროფესიული უნარების განვითარებაში დაგეხმარება.

თიბისი მხარს გიჭერს არა მხოლოდ კარიერულ განვითარებაში, არამედ, პირადი მიზნების მიღწევაშიც. აქ შეგიძლია არამარტო ისწავლო, არამედ იმუშაო ისეთ გუნდში, რომელიც მომავალს ქმნის.

სტაჟირების მსურველებმა უნდა შეავსონ განაცხადი ბმულზე და გაიარონ შერჩევის სტანდარტული პროცესი. აპლიკაციის შევსების ბოლო ვადაა 12 ოქტომბერი.

კითხვების შემთხვევაში, მოგვწერეთ მეილზე: [email protected].

ეს პროგრამა არ არის მხოლოდ სამუშაო — ეს არის კარიერული გზა, რომელიც საშუალებას გაძლევს, ჯერ კიდევ სტუდენტობისას გამოავლინო შენი პოტენციალი, დაეუფლო სამომავლოდ საჭირო უნარებს და დააგროვო მრავალფეროვანი, პრაქტიკული გამოცდილება.

შენ იცი, მთავარია გჯეროდეს!