რიკი მარტინი, ბასტა რაიმსი და სხვები

წლევანდელი MTV-ის მუსიკალური ვიდეოების დაჯილდოების ცერემონია კარს მოგვადგა, რაც იმას ნიშნავს, რომ დროა ოფიციალურად გავიცნოთ 2025 წლის VMA-ს შემსრულებლები.

ყოველწლიურად, ჰოლივუდის ცნობილი სახეები იკრიბებიან, რათა წარმოგვიდგინონ არა მხოლოდ ყველა დროის ყველაზე დასამახსოვრებელი წითელი ხალიჩის ლუქები, არამედ ყველაზე დაუვიწყარი გამოსვლები. წლევანდელი დაჯილდოებაც ნამდვილად არ იქნება გამონაკლისი.

გასულ წელს ვნახეთ ჟანა დ’არკის კოსტიუმში გამოწყობილი ჩაპელ როუნი, რომელიც ციხესიმაგრეს ცეცხლს უკიდებდა, კეტი პერი, რომელიც სცენაზე დაფრინავდა და სხვები. ვიმედოვნებთ, წლევანდელი შემსრულებლებიც შთამბეჭდავ პერფორმანსებს შემოგვთავაზებენ.

იხილეთ 2025 წლის MTV VMA-ს შემსრულებლების სრული სია:

საბრინა კარპენტერი

გასულ წელს შთამბეჭდავი გამოსვლისა და "წლის სიმღერის" ნომინაციაში გამარჯვების შემდეგ, საბრინა კარპენტერი MTV VMA 2025-ზე შემსრულებლის რანგში დაბრუნდება, რომელიც მისი დიდი ხნის ნანატრი ალბომის, Man's Best Friend-ის, დებიუტის შემდეგ გაიმართება.

შემსრულებლის რანგში მონაწილეობის გარდა, კარპენტერი წელს ერთ-ერთი მთავარი ნომინანტია რვა ნომინაციით, მათ შორის სიმღერა Manchild-სთვის, რომელიც წლის საუკეთესო ვიდეოს ნომინაციაში მოხვდა.

საბრინა კარპენტერის ახალი ალბომი — რეგრესი თუ სატირა?

SOMBR

მომღერალი, კომპოზიტორი და პროდიუსერი Sombr პირველად არის ნომინირებული 2025 წლის VMA-ზე და ასევე, ამ საღამოს დაჯილდოების ცერემონიაზე დებიუტიც ექნება.

ამომავალი ვარსკვლავი ნომინირებულია თავისი ჰიტისთვის — back to friends; "საუკეთესო ახალი შემსრულებლის" და "საუკეთესო ალტერნატიული შემსრულებლის" ნომინაციებში.

ალექს უორენი

კიდევ ერთი ამომავალი ვარსკვლავი, რომელიც პირველად გამოჩნდება MTV VMA-ს სცენაზე, MTV PUSH-ის შემსრულებელი ალექს უორენია.

Sombr-ის მსგავსად, უორენიც წელს პირველად არის ნომინირებული თავისი ჰიტ-სიმღერა Ordinary-სთვის. ის ასევე წარდგენილია საუკეთესო ახალი შემსრულებლის, საუკეთესო პოპ შემსრულებლის და წლის სიმღერის ნომინაციებში.

ბასტა რაიმსი

ბასტა რაიმსი წლევანდელ VMA-ზე, მისი ლეგენდარული კარიერას აღსანიშნად Rock the Bells Visionary-ის საპატიო ჯილდოს მიიღებს.

ეს იქნება მეორე მნიშვნელოვანი ტიტული, რომელსაც MTV ლეგენდას ანიჭებს, მას შემდეგ, რაც მან 2024 წლის MTV EMA-ზე Global Icon-ის ჯილდო მიიღო.

J Balvin

ჯეი ბალვინი VMA-ს სცენაზე დაბრუნდება თავისი ახალი სიმღერის, Zun Zun-ის, შესასრულებლად — და ის ამას მარტო არ გააკეთებს. კოლუმბიელ მომღერალს სცენაზე ჯასტინ ქუილსი და ლენი ტავარესი შეუერთდებიან.

მოგვიანებით, მომღერალს სცენაზე ფრანგი პროდიუსერი დიჯეი სნეიკი შეუერთდება. ისინი ერთად ახალი სიმღერას —Noventa-ს — შეასრულებენ.