ამერიკელი პოპ-მომღერალი და მუსიკოსი ლედი გაგა ჰოსპიტალიზირებულია. ამის შესახებ მან ფანებს ინსტაგრამიდან აცნობა.

გაგას ბრაზილიაში კონცერტის გადადება მოუხდა, რის გამოც მუსიკოსი ფანებს ბოდიშს უხდის:

"თქვენთვის ყველაფერს გავაკეთებდი, მაგრამ ახლა დროა ჩემს სხეულზე ვიზრუნო. აუცილებლად დავბრუნდები თქვენთან და გიმღერებთ. მაპატიეთ, ძალიან მიყვარხართ".

რამდენიმე დღის წინ, მომღერალმა ტვიტერზე დაწერა, რომ 2013 წლიდან სხეულის ქრონიკული ტკივილით იტანჯება და ფიბრომიალგია აქვს.