ეგვიპტეში 3500 წლის წინ მცხოვრები ფარაონის აკლდამა აღმოაჩინეს

ეგვიპტეში ფარაონ თუტმოს II-ის სამარხი აღმოაჩინეს. ეს ტუტანხამონის აკლდამის აღმოჩენის შემდეგ პირველი ასეთი შემთხვევაა.

სამხრეთ ეგვიპტეში, ლუქსორში, მეფეთა ველის მახლობლად აღმოჩენილი სამარხი მე-18 დინასტიის ფარაონისაა, რომელიც თითქმის 3500 წლის წინ ცხოვრობდა.

Discovery of the tomb of Thutmose II (Feb. 2025)

This week, archaeologists unveiled a momentous discovery—the long-lost tomb of Thutmose II, believed to be the final undiscovered royal burial site of Egypt’s 18th Dynasty. This marks the first tomb of a pharaoh uncovered since… pic.twitter.com/0W4uOiQMzB
— Egypt Museum (@egyptomuseum) February 19, 2025

თუტმოს II ტუტანხამონის წინაპარია, ხოლო მისი ნახევარდა და დედოფალი (მეუღლე) ჰატშეფსუტი იყო. ფარაონის მეუღლის აკლდამა-ტაძარი ლუქსორში, ნილოსის დასავლეთ ნაპირზეა, თუტმოს II-ის ახლად აღმოჩენილი სამარხიდან რამდენიმე კილომეტრში.

სამხრეთ ეგვიპტეში, ლუქსორში, ფარაონ თუტმოს II-ის აკლდამის შესასვლელი.

ფოტო: Egyptian Ministry of Antiquities

პირველადი კვლევები მიუთითებს, რომ სამარხი ცარიელია და შიგთავსი ჯერ კიდევ ძველ ეგვიპტელებს სხვაგან გადაუტანიათ. ეს ნიშნავს, რომ ფარაონის მუმია ადგილზე არაა, მაგრამ მკვლევრებმა მას მაინც უწოდეს "ბოლო წლების ერთ-ერთი ყველაზე მნიშვნელოვანი არქეოლოგიური აღმოჩენა".

ფარაონი თუტმოს II-ის აკლდამა

ფოტო: Ministry of Tourism and Antiquities

სამარხის შესასვლელს პირველად 2022 წელს მიაგნეს, თუმცა მაშინ მიიჩნიეს, რომ ის რომელიმე ფარაონის ცოლს ეკუთვნოდა.

შემდეგ, მკვლევრებმა აქ თიხის ფრაგმენტები აღმოაჩინეს, რომლებზეც ფარაონ თუტოს II-ის სახელი ეწერა. ტექსტში ის მოხსენიებული იყო, როგორც გარდაცვლილი ფარაონი. სწორედ ამით მოხდა იდენტიფიცირება იმისა, თუ ვის ეკუთვნოდა სამარხი.