ბილი აილიშმა და მისმა ძმამ, ფინეასმა, კამალა ჰარისს მხარი ოფიციალურად დაუჭირეს. საერთო ვიდეოში, რომელიც გრემისა და ოსკარის მფლობელმა მუსიკოსმა და-ძმამ ინსტაგრამზე გამოაქვეყნა, ისინი არჩევნებში დარეგისტრირების ეროვნულ დღეს აღნიშნავენ და თავიანთ გამომწერებს ხმის მისაცემად დარეგისტრირებისა და კამალა ჰარისისა და ტიმ უოლცის ამორჩევისკენ მოუწოდებენ.

"ჩვენ ხმას კამალა ჰარისს და ტიმ უოლცს ვაძლევთ, რადგან ისინი ჩვენი რეპროდუქციული თავისუფლების, პლანეტისა და დემოკრატიისთვის იბრძვიან," — თქვა აილიშმა.

"ექსტრემალებს ჩვენი ცხოვრების, თავისუფლების და მომავლის გაკონტროლების საშუალება არ უნდა მივცეთ. მათი და "პროექტი 2025"-ს შესაჩერებლად ერთადერთი გზაა არჩევნებში მონაწილეობის მიღება და კამალა ჰარისის ამორჩევა," — დაამატა ფინეასმა.

"შენი სიცოცხლე შენს ხმაზეა დამოკიდებული," — ბილი აილიშმა ამ სიტყვებით ამერიკის საპრეზიდენტო არჩევნების კრიტიკულ მნიშვნელობას გაუსვა ხაზი.