FX-ის სერიალმა The Bear, რომელიც უკანასკნელი წლების ერთ-ერთ ყველაზე პოპულარულ სერიალად იქცა, წლევანდელ ემის დაჯილდოებაზე რეკორდი მოხსნა.

დაჯილდოების ცერემონიამდე, The Bear-მა კომედიურ ჟანრში ნომინაციების რაოდენობის ახალი რეკორდიც დაამყარა — ის 23 ნომინაციაში წარადგინეს, რაც ერთით მეტი იყო აქამდე არსებულ ნომინაციების რეკორდულ მაჩვენებელზე, რომელსაც სერიალი 30 Rock ფლობდა.

23 ნომინაციიდან სერიალმა 11-ში გამარჯვება შეძლო და ერთ ღამეში ყველაზე მეტი მოგების რეკორდი დაამყარა. აღსანიშნავია, რომ აქამდე არსებულ რეკორდსაც The Bear ფლობდა ათი გამარჯვებით, რომელიც 2023 წლის ემიზე მოიპოვა.

კომედიურ ჟანრში მთავარი როლის შემსრულებელი კაცის ჯილდო ჯერემი ალენ უაითმა მოიპოვა, რომელიც სერიალში მზარეული კარმენ ბერზატოს როლს ასრულებს. "ამ სერიალმა ჩემი ცხოვრება შეცვალა. მან დამარწმუნა, რომ შეცვლა შესაძლებელია. ჩვენ სრულიად მარტოები არასდროს ვართ," — თქვა უაითმა ჯილდოს აღებისას.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…