კატები იდუმალი არსებები არიან, რომლებიც მთელ მსოფლიოში უამრავ ადამიანს უყვარს. ლეგენდის თანახმად, მათ ცხრა სიცოცხლე აქვთ. ისეთ ცნობილ ადამიანებს, როგორიცაა ანრი მატისი, ჯონ ლენონი, ენდი უორჰოლი, კარლ ლაგერფელდი, გუსტავ კლიმტი და სალვადორ დალი, ყველას ჰყავდა კატა. ამ სტატიაში კი მათ ისტორიებს გაგაცნობთ.

1. ანრი მატისის სამი კატა

ანრი მატისს ძალიან უყვარდა ცხოველები და სამი კატა ჰყავდა — მინუში, კუსი და ლა პუსი, რომელიც ძალიან პატარა, ნაცრისფერი კატა იყო. კუსი ზოლიანი, ხოლო მისი და ლა პუსი სულ შავი. მხატვარი სიცოცხლის ბოლო ათწლეულის განმავლობაში ინვალიდის ეტლზე იყო მიჯაჭვული და სიარული არ შეეძლო. ეს ნაწილობრივ მისმა დაავადებამ განაპირობა. მატისი ყოველთვის თავის კატებთან ერთად მუშაობდა, ისინი იყვნენ მისი განუყრელი და გამორჩეული მეგობრები.

2. სალვადორ დალი და ბაბუ

ცნობილი სიურრეალისტი სალვადორ დალი ცნობილი იყო თავისი ექსცენტრიული გემოვნებით. დალიმ იშვილა კოლუმბიური ოცელოტი, რომელსაც ბაბუ დაარქვა. კოლუმბიური ოცელოტები არ არიან ყველაზე კომუნიკაბელური კატები, თუმცა დალისთვის ამას ხელი არ შეუშლია კატა ყველგან თან წაეყვანა. ბაბუ ძალიან მდიდური ცხოვრებითაც ცხოვრობდა.

3. კარლ ლაგერფელდი და შუპეტი

2011 წელს, მას შემდეგ, რაც კარლ ლაგერფელდმა შუპეტი აიყვანა, ის პოპ კულტურის საკულტო კატად იქცა. როდესაც შოპეტის წინა მფლობელი, ფრანგი მოდელი ბაპტისტ ჯაბიკონი დასასვენებლად წავიდა, კატა ლაგერფელდის სახლში დატოვა, შუპეტი მაშინ მხოლოდ კნუტი იყო, ლაგერფელდს ძალიან შეუყვარდა ის და მისი დატოვება გადაწყვიტა.

2019 წელს ლაგერფელდის გარდაცვალების შემდეგ ჭორებიც კი გავრცელდა, რომ მთელ ქონებას შუპეტი მიიღებდა. მიუხედავად იმისა, რომ ცნობილი დიზაინერი ხშირად არ საუბრობდა საკუთარ პირად ცხოვრებაზე, მას ძალიან უყვარდა შუპეტზე საუბარი.

შუპეტსა და ლაგერფელდს საქმიანი ურთიერთობაც ჰქონდათ. კატისთვის ცნობილი მზარეულები ამზადებდნენ კერძებს, ჰყავდა პირადი მოახლეები, მძღოლი და სოციალური მედიის მენეჯერიც კი.

4. ჯონ ლენონის აკვიატებული სიყვარული კატების მიმართ

ყველასთვის ცნობილი იყო, რომ ჯონ ლენონს ძალიან უყვარდა კატები. მის პირველ კატას ელვის სპრესლი ერქვა, მიუხედავად, იმისა, რომ ქალი იყო. ბავშვობაში ცნობილ მუსიკოსს სამი კატა ჰყავდა, ელვისი, სემი და ტიჩი.

5. გუსტავ კლიმტი და მიუსაფარი კატები

გუსტავ კლიმტი ყველასთვის ნაცნობი მხატვარია, რომელიც განსაკუთრებით გვიყვარს თავისი შედევრით „კოცნა“. მას უამრავი სტუდია ჰქონდა და ამ ადგილებში ბევრი მიუსაფარი კატა ცხოვრობდა. კლიმტთან სტუმრობისას არტურ როსლერი გაოგნებული იყო, თუ როგორ აძლევდა კლიმტი ამ კატებს თავისუფლად სეირნობის უფლებას. თუმცა კატებს არანაირი შეზღუდვა არ ჰქონდათ, მათ შეეძლოთ ეთამაშათ, ეჩხუბათ და ის ეკეთებინათ რაც მოუნდებოდათ, სრულიად თავისუფლები იყვნენ.