Queen-ის გიტარისტსა და დამფუძნებელ წევრს, ბრაიან მეის მცირე გულის შეტევა ჰქონდა, რამაც მარცხენა ხელის კონტროლი დააკარგვინა და გიტარის დაკვრის უნარი წაართვა. მუსიკოსმა ამბავი თავის გულშემატკივარს ვიდეოს საშუალებით ამცნო.

მისი თქმით, "ჯანმრთელობაში წაიბორძიკა" და "პატარა ინფარქტი" გადაიტანა, რის შემდეგად საავადმყოფოში გადაიყვანეს. გასული კვირის განმავლობაში მარცხენა ხელს ვერ იყენებდა, თუმცა ახლა მისი მდგომარეობა გაუმჯობესდა და უკვე ინსტრუმენტზე დაკვრაც შეუძლია.

ფოტო: Getty Images

"კარგი ამბავი ისაა, რომ გასული დღეების შემდეგ გიტარაზე მაინც შემიძლია დაკვრა. საშიში იყო, თუმცა ფრიმლის საავადმყოფოში ფანტასტიურად მივლიდნენ და ყურადღებას მაქცევდნენ. ყველაფერს ვაკეთებ, რასაც მეუბნებიან, ანუ, ფაქტობრივად, არაფერს" — თქვა მეიმ ვიდეოში.

ბრაიან მეი ყველაზე მეტად Queen-ის წევრობითაა ცნობილი, თუმცა ასტროფიზიკოსის კარიერაშიც საკმაოდ წარმატებულია. ამ ყველაფრის გარდა, მეი ცხოველთა უფლებების აქტიური დამცველია.