როგორც პოპვარსკვლავი ტეილორ სვიფტი ამბობს, ვენაში ტერაქტის საფრთხის გამო კონცერტების გაუქმების ფაქტმა "შიშის გრძნობით" აავსო.

ინსტაგრამზე გამოქვეყნებულ პოსტში კი წერს, რომ "დანაშაულის შეგრძნება“ აქვს, რადგან ძალიან ბევრი ადამიანი გეგმავდა ვენის კონცერტებზე გამგზავრებასა და დასწრებას.

აგვისტოს დასაწყისში, ავსტრიის დედაქალაქში, ტეილორ სვიფტის კონცერტები გაუქმდა, რომლებიც ვენის სტადიონზე 8, 9 და 10 აგვისტოს უნდა გამართულიყო. პოლიციამ ავსტრიის ქალაქ ტერნიცში, 7 აგვისტოს დააკავა ორი პირი, რომლებიც სამართალდამცავების ცნობით, ვენასა და მის შემოგარენში ტერაქტებს გეგმავდნენ.

ამერიკელმა პოპმარსკვლავმა ერას ტური სამშაბათს, ლონდონის უემბლის სტადიონზე დაასრულა.

ინსტაგრამზე გამოქვეყნებულ პოსტში ამერიკელმა მომღერალმა დაწერა:

"ვენის კონცერტების გაუქმება დამთრგუნველი იყო ჩვენთვის, მაგრამ მე ძალიან მადლობელი ვარ იმის, რაც ხელისუფლებამ გააკეთა, მათი წყალობით ჩვენ ვწუხდით კონცერტების გაუქმებაზე და არა სიცოცხლეზე.
სიყვარულით ამივსო გული იმ ერთიანობამ, რაც გულშემატკივრებში დავინახე, ამის შემდეგ გადავწყვიტე, რომ მთელი ჩემი ენერგია იმ თითქმის ნახევარი მილიონი ადამიანისკენ მიმემართა, რომლებიც ლონდონში ჩემს კონცერტზე მოდიოდნენ, მათი უსაფრთხოება ჩემთვის ყველაზე მნიშვნელოვანია.
მე და ჩემი გუნდი ამ მიზნის მისაღწევად ყოველდღე ვმუშაობდით სტადიონის პერსონალთან და ბრიტანეთის ხელისუფლებასთან ერთად და მინდა მადლობა გადავუხადო მათ ყველაფრისთის, რაც ჩვენთვის გააკეთეს.
ასევე, ძალიან მკაფიოდ მინდა აღვნიშნო, რომ არ ვაკეთებ საჯარო კომენტარს მაშინ, თუ ვფიქრობ, რომ ამან შესაძლოა რაიმეს პროვოცირება გამოიწვიოს და კონცერტებზე მოსულ გულშემატკივარს ზიანი მიაყენოს.
მსგავს შემთხვევებში, 'დუმილი' რეალურად თავშეკავებას ნიშნავს და გამოხატვისთვის შესაბამის დროს ელოდება. ჩემი მთავარი მიზანი ჩვენი ევროპული ტურნეს უსაფრთხოდ დასრულება იყო და შემიძლია ვთქვა, რომ ჩვენ ეს შევძელით".