ჯენიფერ ლოპესი და ბენ აფლეკი ოფიციალურად შორდებიან, ჯენიფერ ლოპესმა სამშაბათს განქორწინების მოთხოვნით საბუთები ლოს-ანჯელესის სასამართლოში შეიტანა, განქორწინების თარიღი კი მათი ქორწინების წლისთავს ემთხვევა.

მათი ურთიერთობის დასრულების შესახებ მას შემდეგ გახდა ცნობილი, რაც გავრცელდა ინფორმაცია, რომ წყვილი ცალ-ცალკე ცხოვრობდა, ლოპესმა ოჯახთან ერთად დაგეგმილი საზაფხულო ტური გააუქმა და მათი საერთო სახლი გასაყიდად გაიტანა.

განქორწინების ამბავმა, ორი სუპერვარსკვლავის სიყვარულის ისტორიაში ხელახლა დაგვაბრუნა, ისტორიაში, რომელიც ათწლეულების განმავლობაში ყურადღების ცენტრში იყო.

ჯენიფერ ლოპესმა და ბენ აფლეკმა ურთიერთობა პირველად 2003 წელს დაიწყეს, ისინი ერთმანეთს Gigli-ს გადასაღებ მოედანზე შეხვდნენ, მათი მეგობრობა საბოლოოდ სიყვარულში გადაიზარდა, თუმცა 2004 წელს ერთმანეთს დაშორდნენ. თითქმის 20 წლის შემდეგ კი ურთიერთობა აღადგინეს და იქორწინეს.

ფოტო: variety

ფოტო: variety.

"ბენიფერის" ქორწინება ზუსტად ორი წლის თავზე დასრულდა. ლოპესისთვის ეს მეოთხე ქორწინება იყო, აფლეკისთვის კი მეორე.

2024 წელს ჯენიფერის ახალი დოკუმენტურ ფილმი The Greatest Love Story Never Told გამოვიდა, ფილმი მათი სიყვარულის ისტორის შესახებ მოგვითხრობს, აღსანიშნავია, რომ ბენს ჯენიფერის ეს გადაწყვეტილება არ მოსწონდა და მათი პირადი ცხოვრების გასაჯაროებას სრულიად მიუღებლად თვლიდა.

გასული თვის ბოლოს, ჯენიფერმა დაბადების დღე ბენ აფლეკის გარეშე აღნიშნა.