ავსტრალიაში, ზღვამ 23 წლის სერფერის ფეხი გამორიყა, რომელსაც ცოტა ხნით ადრე ზვიგენი დაესხა თავს — ინფორმაციას BBC ავრცელებს.

გამოცემის ცნობით, ინციდენტი ნიუ საუს ველსში, გუშინ მოხდა. მაკენზი სერფინგით იყო დაკავებული, რა დროსაც მას ზვიგენი დაესხა თავს და ფეხი მოაჭამა. ამის შემდეგ, სერფერმა ნაპირზე გამოსვლა მოახერხა.

ადგილზე მისულმა ექიმებმა მაკენზი კლინიკაში გადაიყვანეს. მათი თქმით, პაციენტის მდგომარეობა მძიმე, თუმცა სტაბილურია, პოლიციელების ქმედებებმა კი მას სიცოცხლე გადაურჩინა.

ცოტა ხანში კი იმავე ნაპირზე წყალმა ზვიგენის მიერ მოკბეჩილი მაკენზის ფეხიც გამორიყა. კიდური ადგილობრივებმა აღმოაჩინეს და დაუყოვნებლივ ყინულში მოათავსეს, ახლა ექიმები იმაზე მსჯელობენ შესაძლებელი იქნება თუ არა მისი მიმაგრება.