ანიმაციური სამყაროს ყველაზე ცნობილი ნინძები ერთიანდებიან! მალე ნარუტოსა და თინეიჯერი მუტანტი კუ-ნინძების პერსონაჟებს საერთო მანგაში ვიხილავთ.

თინეიჯერი მუტანტი კუ-ნინძები X ნარუტო IDW Publishing-ისა და Viz Media-ს საერთო პროექტია. მანგას ოთხი ნაწილი ექნება და მისი ავტორი ქეილებ გოლნერი, Sonic The Hedgehog-ის მწერალი იქნება. მის გარდა მანგაზე იმუშავებენ ჰენდრი პრასეტია (Mighty Morphin Power Rangers), რაულ ანგულო (NYX), და ხორხე ხიმენესი (Batman).

მანგის სიუჟეტის მიხედვით კუ-ნინძების პერსონაჟი, თინეიჯერი ჟურნალისტი ეიპრილ ონილი ცუნადეს, კონოჰას ლიდერს ხვდება, რის შესახებაც მალე შეიტყობენ ნარუტო, სასკე, საკურა და კაკაში. შეხვედრის დეტალებით ინტერესდებიან ფეხის კლანის წევრებიც, რომლებიც ფიქრობენ, რომ ეიპრილი, შესაძლოა, ღირებულ ინფორმაციას ფლობდეს მეცნიერი ბაქსტერ სტოკმანის მიერ წარმოებულ მუტაციის კვლევაზე. დაძაბულ სიტუაციაში ეიპრილის დასახმარებლად კუ-ნინძებიც გამოჩნდებიან და ნარუტოს და მის მეგობრებს შეხვდებიან!

ყველაზე ნინძური მანგა 2024 წლის 13 ნოემბერს გამოქვეყნდება.

ფოტო: Henry Prasetya

ფოტო: Henry Prasetya