ინდოელი ბიზნესმენის შვილის რამდენიმეთვიანი ქორწილი დასრულდა. საქორწინო ცერემონია 12 ივლისს გაიმართა — აზიის უმდიდრესი ადამიანის, ინდოელი ბიზნესმენის, მუკეშ ამბანის, შვილის გახმაურებული ქორწილი ნახევარ მილიარდ დოლარზე მეტი დაჯდა.

ქორწილის ღონისძიებები ჯერ კიდევ მარტში დაიწყო, მაშინ ის მედიის ყურადღების ცენტრში სტუმრებით მოექცა. წინასაქორწილო ღონისძიებას ესწრებოდნენ: რიანა, მარკ ზაკერბერგი, ბილ გეიტსი და ა.შ.

რაში დაიხარჯა თანხა?

უზარმაზარი, ბრილიანტით გაწყობილი ბროლის ჭაღები

საქორწინო დარბაზი, რომელიც მუკეშ ამბანს ეკუთვნის, 1 000 ბროლის ჭაღით იყო განათებული. თითოეულ ჭაღში დაახლოებით 10 000 დოლარი დაიხარჯა — რაც ჯამში 10 მილიონ დოლარს შეადგენს.

1000 ბროლის ჭაღი საქორწინო სივრცეში

1000 ბროლის ჭაღი საქორწინო სივრცეში

მდიდრული, ძვირადღირებული ბიო-ტუალეტები მთელ სივრცეში

საქორწილო ცერემონიის მთელ სივრცეში ძვირადღირებული ბიო-ტუალეტები იყო განთავსებული. თითოეულის განთავსება ამბანს 1 800 დოლარამდე დაუჯდა. ჯამში ეს ყველაფერი 1.8 მილიონი დოლარი დაჯდა.

მსოფლიო ვარსკვლავების შოუ-პროგრამა

ანანტ ამბანისა და რადიკა მერჩანტის ქორწილს მუსიკალურად მსოფლიო ვარსკვლავები აფორმებდნენ. დადასტურებული ინფორმაციით, ქორწილში სიმღერაში რიანას 7 მილიონი დოლარი, ხოლო ჯასტინ ბიბერს 10 მილიონი დოლარი გადაუხადეს

საქორწილო შოუ-პროგრამაში ჯამში 140 მილიონი დოლარი დაიხარჯა.

ფოტო: Justin Bieber/ Instagram

ასევე, იხილეთ: ჯასტინ ბიბერმა ინდოელი მილიარდერების წინასაქორწილო წვეულებაზე იმღერა

კვება და სამზარეულო

ქორწილში მსოფლიოს საუკეთესო მზარეულები იყვნენ მოწვეულნი. წყვილმა 1 000 სტუმარს მხოლოდ მარტში 2 500 კერძის ვარიაცია შესთავაზა. რაც ჯამში 80-დან 160 მილიონ დოლარამდე დაჯდა.

საქორწილო კაბა და მორთულობა

ინდურ კულტურაში ყველაზე მნიშვნელოვანი და სიმბოლური, საქორწილო კაბა და სამკაულებია. ხშირად ოჯახები ამისთვის დიდ სესხსაც კი იღებენ. ამ ყველაფერში, ამბანმა თითქმის 110 მილიონი დოლარი დახარჯა.

ქორწილის დასკვნით ღონისძიებებზე სტუმრებს შორის იყვნენ: კარდაშიანები, ჯასტინ ბიბერი, ივანკა ტრამპი, ბორის ჯონსონი, FIFA-ს პრეზიდენტი ჯანი ინფანტინო, ინდოეთის პრემიერი, ბიზნესმენები, ჰოლივუდისა და ბოლივუდის ვარსკვლავები და სხვა ცნობილი სახეები.