ჯეიმს ფრანკომ, რომელიც ცნობილია, როგორც ერთ-ერთი ექსცენტრული, ტროლი, გასული და "ჩვენს პონტში ჯიგარი მასტი" მსახიობი, გადაწყვიტა, რომ მსახიობობა, პოეტობა და ზოგადად არტისტობა საკმარისი არ არის და მეგობართან, ფილოსოფიის დოქტორ ელიოტ მაიკლსონთან ერთად, იუთუბის არხი Philosophy Time შექმნა.

რატომ? არის საშუალება და!

"შემოუერთდით ნიჭიერი მსახიობის, რეჟისორის, პოეტისა და ბევრი სხვა ნიჭით დაჯილდოებული ჯეიმს ფრანკოსა და ასევე მრავალმხრივად ნიჭიერი ელიოტ მაიკლსონის ტურს თანამედროვე ფილოსოდიის სამყაროში", წერია არხის აღწერაში.

თითოეული ვიდეო, რომელსაც ფრანკო და ელიოტი აქვეყნებენ ხუთწუთიანია და სხვადასხვა თემებზე საუბრობენ.

თუ თქვენც ისევე გაინტერესებთ ფილოსოფია, როგორც ჯეიმს ფრანკოსა და ელიოტ მაიკლსონს, ან უფრო ის თუ გაინტერესებთ, რას ლაპარაკობს ფრანკო ფილოსოფიაზე, რა უნდა ცხოვრებაში და რამდენად გასულია, გამოიწერეთ არხი და მოუსმინეთ.