ყველასთვის კარგადაა ცნობილი, რომ მოწევა ჩვენი ჯანმრთელობისთვის საზიანოა. ეს განსაკუთრებულად ფილტვებს ვნებს, რის შესახებაც გაფრთხილებებს, ალბათ, თავად სიგარეტის კოლოფებზეც ხშირად გადააწყდებოდით. მაინც რამდენად საფუძვლიანია ეს საფრთხეები და რა ემართება ჩვენს სასუნთქ სისტემას, როცა ვეწევით?

ამის შესახებ პროექტის "STEM მარტივად" ფარგლებში მომზადებულ ვიდეოში ნინო ციბაძე, ბიოლოგიის მასწავლებელი, გვესაუბრება. ის აგვიხსნის, რატომაა საშიში სიგარეტის კვამლში არსებული ნივთიერებები და მათ ჩამონათვალსაც გაგვაცნობს. ასევე, ექსპერიმენტის მეშვეობით გვაჩვენებს, რა ემართება მწეველის ფილტვებს.