პერუს ამაზონის ტერიტორიაზე მტკნარი წყლის დელფინის ახალი სახეობის ნამარხი აღმოაჩინეს.

ციურიხის უნივერსიტეტის მკვლევრებმა სახეობას Pebanista yacuruna უწოდეს. ამ სახელის არსება ადგილობრივ ლეგენდებში "არსებობდა".

ეს გიგანტური დელფინი, რომელიც 16 მილიონი წლის წინ ცხოვრობდა, სიგრძეში 3.5 მეტრი იყო.

ახლად აღმოჩენილი სახეობის ისტორია მის გასაოცარ ზომას სცდება და ყურადღებას ევოლუციის მხრივაც იქცევს.

ლანდშაფტის რადიკალურმა ცვლილებამ გადაშენება გამოიწვია

სახეობა Platanistoidea-ს ჯგუფს მიეკუთვნება, რომელშიც ძირითადად 24-დან 16 მილიონი წლის წინ მცხოვრები დელფინები შედიოდნენ.

მკვლევრები ვარაუდობენ, რომ ახლად აღმოჩენილი სახეობების წინაპრები პროტო-ამაზონიის მტკნარი წყლის ეკოსისტემებში გადავიდნენ, სადაც მტაცებელი უხვად იყო.

"თექვსმეტი მილიონი წლის წინ პერუს ამაზონია ძალიან განსხვავებულად გამოიყურებოდა. ამაზონის დაბლობის დიდი ნაწილი ტბებისა და ჭაობების დიდი სისტემებით იყო დაფარული", — თქვა ალდო ბენიტეს-პალომინომ, UZH-ის პალეონტოლოგიის დეპარტამენტის მკვლევარმა.

ეს სისტემები თანამედროვე ამაზონად დაახლოებით 10 მილიონი წლის წინ ჩამოყალიბდა. ჰაბიტატის ცვლილებამ მტაცებლებზე იმოქმედა და საბოლოოდ ეს უზარმაზარი დელფინიც გადაშენდა.

ფოტო: Aldo Benites-Palomino

მტკნარი წყლის დელფინების ევოლუცია

საინტერესოა, რომ ამ უძველესი არსების უახლოესი ცოცხალი ნათესავები სამხრეთ აზიის მდინარის დელფინები არიან.

"ერთი შეხედვით, ახლად აღმოჩენილი დელფინის მონათესავე სახეობა ისევ ამაზონში უნდა ყოფილიყო. ეს ასე არ აღმოჩნდა, მას სამხრეთ აზიის მდინარის დელფინებში მივაკვლიეთ", — ამბობენ მკვლევრები.

შესწავლამ საერთო ბიოლოგიური თვისება გამოავლინა: ეს სპეციფიკური ძვლის წარმონაქმნებია, რომელიც ექოლოკაციისთვისაა აუცილებელი.

კვლევა ჟურნალ Science Advances-ში გამოქვეყნდა.

თუ სტატიაში განხილული თემა და ზოგადად: მეცნიერებისა და ტექნოლოგიების სფერო შენთვის საინტერესოა, შემოგვიერთდი ჯგუფში – შემდეგი ჯგუფი.