რამდენიმე დღის წინ, მსახიობმა ემა უოტსონმა საკუთარ ფეისბუქზე, სადაც 34 მილიონზე მეტი დამლაიქებელი ჰყავს, პოსტი გამოაქვეყნა.

მსახიობი წერდა, რომ მან ბეჭედი დაკარგა, რომელიც ბოლოს ლონდონში, Mandarin Oriental Hotel-ის სპაში ეკეთა.

"სანამ მოვწესრიგდებოდი, მოვიხსენი სამი ვერცხლის ბეჭედი და უსაფრთხო ადგილზე დავდე. სახლში წასულმა კი აღმოვაჩინე, რომ ისინი აღარ მეკეთა. მაშინვე დავრეკე სპაში, მაგრამ აღმოჩნდა, რომ ის უკვე დაკეტილი იყო. შემდეგ მითხრეს, რომ მსგავსი არაფერი უპოვიათ", წერს უოტსონი.

როგორც აღმოჩნდა, მსახიობისთვის ეს ბეჭდები ძალიან მნიშვნელოვან ფუნქციას ატარებს და ძვირფასია, რადგან ის უოტსონის დედამ მაშინ იყიდა, როდესაც ემა დაიბადა და 18 წლის იუბილეზე გადასცა.

"ეს არ არის უბრალოდ ბეჭდი, ეს ჩემთვის ძალიან ბევრს ნიშნავს. დედამ ის ჩემი დაბადების დროს იყიდა და მომცა, როდესაც 18 წელი შემისრულდა. 18 წელი ის დედას ეკეთა, შემდეგ კი სულ ჩემს გვერდით იყო და არასდროს ვიხსნიდი. ეს ბეჭდები ჩემთვის ძალიან ძვირფასია", წერს ემა უოტსონი.

იმ შემთხვევაში კი, თუ ვინმე ბეჭედს იპოვის, სთხოვს, რომ მეილზე: [email protected], შეეხმიანონ.