ცოტა ხნის წინ ბევრისთვის საყვარელმა პერსონაჟმა ელმომ გადაწყვიტა X-ზე (ყოფილი ტვიტერი) დაეპოსტა და გაეგო, როგორ არიან მისი გამომწერები. ელმო აშკარად არ ელოდა იმ გამოხმაურებას, რომელიც მისმა პოსტმა გამოიწვია. როგორც აღმოჩნდა, ინტერნეტის მომხმარებლები თავს კარგად არ გრძნობენ და საკუთარი ემოციების გაზიარებაც გადაწყვიტეს.

"ელმოს უბრალოდ თქვენი მოკითხვა უნდა. როგორ ხართ?"

აი, რა უპასუხეს ინტერნეტის ცნობილმა თუ უცნობმა მომხმარებლებმა ელმოს:

"ვიტანჯებით"

"რძე გაგვითავდა. დანარჩენს თავად მიხვდები"

"ცივი ყავა არ მაწყენდა"

"ყოველ დილას ერთი სული მაქვს, დასაძინებლად როდის წავალ. ყოველ ორშაბათს ერთი სული მაქვს, პარასკევი როდის მოვა. ყოველდღე, ყოველ კვირას, მთელი ცხოვრება."

"ჩვენ ირგვლივ სამყარო იწვის, ელმო"

"ძალიან კარგად"

აშკარაა, რომ ელმო ასეთ სევდიან გამოხმაურებას არ ელოდა, ამიტომ მეორე დღეს ახალი პოსტი გამოაქვეყნა:

"ოჰო! ელმოს უხარია, რომ ეს შეკითხვა დასვა. ელმო მიხვდა, რომ მნიშვნელოვანია, შენს მეგობრებს ჰკითხო, როგორ არიან. ელმო მალე ისევ მოგიკითხავთ, მეგობრებო! ელმოს უყვარხართ"

თუ ელმოს გამომწერების მსგავსად, გამხნევება, მხარდაჭერა ან მენტალური ჯანმრთელობის შესახებ ცნობიერების ამაღლება გჭირდება, შემოგვიერთდი მენტალური ჯანმრთელობის ჯგუფში და გახსოვდეს, რომ მარტო არ ხარ.