ფლორენს პიუმ ახლახან მიცემულ ინტერვიუში განაცხადა, რომ Oppenheimer-ის გადაღებების დროს გარკვეული ტექნიკური სირთულეები წარმოიშვა. ფლორენს პიუ ნოლანის ისტორიულ დრამაში კომუნისტური პარტიის წევრის როლს ასრულებს, რომელსაც რობერტ ოპენჰაიმერთან სასიყვარულო ურთიერთობა აქვს. მსახიობის თქმით, კილიან მერფისთან ერთად სექსის სცენის გადაღების დროს კამერა გაფუჭდა, რაც უხერხული მომენტი იყო.

"სექსის სცენის დროს კამერა გაფუჭდა. აქამდე ეს არავინ იცოდა, მაგრამ ასე იყო. კამერა ზუსტად მაშინ გაფუჭდა, როცა მე და კილიანი შიშვლები ვიყავით და ეს ნამდვილად არ იყო იდეალური მომენტი", — განაცხადა ფლორენს პიუმ.

როგორც მსახიობმა განაცხადა, რომ გადაღებების პროცესში ახალი კამერები ხელმისაწვდომი არ იყო, ამიტომ ტექნიკურ ჯგუფს მალევე უნდა გაერკვია, თუ რა მიზეზით აღარ მუშაობდა კამერა.

ფოტო: Universal

"მე და კილიანი ოთახში ვიყავით და სხეულს ხელებით ვიფარავდით, ამ დროს კი კამერის შესაკეთებლად ერთი ადამიანი შემოვიდა. გადასაღებ მოედანზე ყველა თავისი საქმის პროფესიონალი იყო და რაც მთავარია, ფილმის გადასაღებად ყველა მზად იყო, ასე რომ, მოსაწყენი მომენტები არ გვქონია. გადაღებების პროცესი საოცარი იყო და ისეთი შეგრძნება გვქონდა, თითქოს გაგვიმართლა, იქ რომ მოვხვდით", — დასძინა მსახიობმა.

შეგახსენებთ, რომ Oppenheimer, რომელიც ნოლანისთვის მე-12 ფილმი და პირველი ბიოგრაფიული ნამუშევარია, პულიცერის პრემიის მფლობელ წიგნს ეფუძნება. კინოსურათში მთავარ როლებს კილიან მერფი, მეთ დეიმონი, ემილი ბლანტი, რობერტ დაუნი უმცროსი და რამი მალეკი ასრულებენ. წლევანდელ ოქროს გლობუსზე Oppenheimer-მა 5 ჯილდო მოიპოვა, ოსკარი 2024-ზე კი 13 კატეგორიაში არის წარდგენილი.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...