მსახიობმა, ჯეიკობ ელორდიმ, ჯიმი ფელონთან ინტერვიუში ეიფორიას მე-3 სეზონზე ისაუბრა. მსახიობი საზოგადოებამ ცნობილ სერიალში შესრულებული ნეითის როლით გაიცნო. ჯეიკობის თქმით, იმედი აქვს, რომ სერიალის გადაღებები მალე დაიწყება, თორემ მისი ხელოვნურად დაპატარავება მოუწევთ.

მსახიობმა ეიფორიას სეზონებს შორის დიდხნიან პაუზებზე იხუმრა. თინეიჯერების შესახებ გადაღებული შოუ 2019 წელს გამოვიდა, მისი მე-2 სეზონი კი 2022-ში. რაც შეეხება მე-3 სეზონს, ვარაუდობენ, რომ სერიალის გაგრძელებას მაყურებელი 2024 ან 2025 წელს იხილავს.

მსახიობები ეიფორიას მე-3 სეზონშიც 17 წლის სკოლის მოსწავლეები უნდა იყვნენ, თუმცა 2019 წლის შემდეგ უკვე 6 წელი გავიდა და შოუში მთავარი როლების შემსრულებელი ჯეიკობ ელორდი და სიდნი სვინი 26-ის, ზენდეია 27-ის, ალექსა დემი კი 33 წლისანი არიან.

ჯეიკობმა იმაზეც იხუმრა, რომ მე-3 სეზონში სკოლის დერეფნებში ჩავლისას დაბერების გამო წელის ტკივილი შეაწუხებს. სანამ Euphoria-ს ველოდებოდით, ელორდი მსოფლიომ ფილმ Saltburn-სა და Priscilla-ში შესრულებული როლებით გაიცნო.

სერიალის მე-3 სეზონზე ბევრი არაფერია ცნობილი, თუმცა რეჟისორმა, სემ ლევინსონმა, თქვა, რომ შოუ უფრო პესიმისტური კუთხით იქნება გადაღებული და კვლავაც, რუს თვალებით დანახულ სამყაროს გვიჩვენებს.

Euphoria-ის მე-3 სეზონის გადაღებები 2023 წლის ზაფხულში უნდა დაწყებულიყო, თუმცა აშშ-ში სცენარისტთა გაფიცვის გამო თარიღმა გადაიწია. ეიფორიას მე-2 სეზონი 2022 წლის თებერვალში დასრულდა, ზენდეიამ კი მთავარი როლის შესრულებისთვის 2 ემი მოიპოვა.

ახალ სეზონში რამდენიმე მსახიობს აღარ ვიხილავთ. 2022 წლის აგვისტოში მსახიობმა, ბარბი ფერეირამ, რომელიც კეტის პერსონაჟს განასახიერებდა, შოუ დატოვა. 2023 წლის აგვისტოში კი ფესკოს როლის შემსრულებელი მსახიობი ანგუს კლაუდი გარდაიცვალა.