HBO-მ სამომავლო გეგმების სიაში ახალი რომანის Who Fears Death ადაპტაციის გადაღებაა, პროდიუსერი კი, არც მეტი, არც ნაკლები, სამეფო კარის თამაშების ავტორი, ჯორჯ მარტინია მიწვეული.

ინფორმაცია ამის შესახებ თავად ავტორმა გამოაქვეყნა ტვიტერზე.

რომანის სიუჟეტი პოსტ-აპოკალიფტურ სუდანში ვითარდება, სადაც თეთრკანიანი ნურუსა და შავკანიანი ოკეკეს ტომები ერთმანეთს უპირისპირდებიან. მთავარი პერსონაჟი ანიესინვუა, გოგო, რომელიც ძალადობის შედეგად დაიბადა, როდესაც ნურუს ტომის კაცმა ოკეკეელი ქალი გააუპატიურა. ახლა ის ცდილობს ამ დაპირისპირების დროს საკუთარი მამა იპოვოს, ნელ-ნელა კი აღმოაჩენს, რომ მაგიურ ძალასაც ფლობს.

ჯერ-ჯერობით უცნობია როდის გამოვა სერიალი. მანამდე კი, შეგახსენებთ, 16 ივლისს HBO-ზე სამეფო კარის თამაშების მეშვიდე სეზონის პრემიერა შედგება.