ყველასათვის ცნობილი მიმის — Doge-ის გმირი მოღიმარი ცუგა, რომლის ფოტოებიც ინტერნეტში წლების განმავლობაში ვირუსულად ვრცელდებოდა, დაიღუპა. ამის შესახებ სოციალურ ქსელში ცუგას პატრონმა განაცხადა. მისივე თქმით, 12 წლის ცუგა ბოლო პერიოდის განმავლობაში კიბოს ებრძოდა.

"პარასკევ დილით, თორაცენტეზის ოპერაციის დროს, მან საბოლოოდ დაიძინა. ამ ოპერაციის შემდეგ მისთვის ქიმიოთერაპიისა და სხვა ტიპის მკურნალობის კურსების ჩატარებას ვაპირებდი, მაგრამ უკვე გვიანია", — წერს ინსტაგრამზე ცუგას პატრონი.

ცუგას მდგომარეობის შესახებ მისმა პატრონმა საზოგადოებას ჯერ კიდევ ივლისში გააგებინა, ახლა კი ცუგას ფანებთან ერთად გამოემშვიდობა. "მოღიმარი სახით პანდემიის პერიოდში ბევრს ადამიანს დაეხმარა და ბევრი თქვენგანიც გაახარა, ახლა კი მისი მისია დასრულებულია", — ვკითხულობთ ინსტაგრამის პოსტში.

Doge-ის გმირ ცუგას საკუთარი ვებგვერდიც ჰქონდა და ინტერნეტის გარეთაც პოპულარული იყო. ცუგას გამოსახულებით მაისურები, ჩანთები და სხვა ნივთები წლების განმავლობაში იყიდებოდა.