2026 წელს ევროპის კოსმოსური სააგენტო (ESA) ახალ კოსმოსურ ტელესკოპს, PLAnetary Transits and Oscillations of stars-ს (PLATO) გაუშვებს.

ტელესკოპი ეგზოპლანეტებზე ინადირებს და 245 000-ზე მეტ ვარსკვლავს გამოიკვლევს. მისიის ფარგლებში ათიათასობით პოტენციურად დასახლებული პლანეტის აღმოჩენაა შესაძლებელი.

ამის შესახებ Universe Today-ის ანგარიშშია ნათქვამი.

Universe Today ფილიპ მატუშევსკის ესაუბრა. მატუშევსკი ასტროფიზიკოსია, რომელიც PLATO-ს პოტენციალს იკვლევდა.

შემდეგი პოდკასტი: ეგზოპლანეტები — მეორე დედამიწის ძიებაში

პლანეტების რაოდენობა

მატუშევსკისა და მის კოლეგებს სურდათ გაერკვიათ, თუ რამდენი პლანეტის აღმოჩენას შეძლებს PLATO.

"მაგალითად, ავიღოთ ორი წელი, საინტერესოა თუ რა შეუძლია ტელეკოპს ამ პერიოდში", — თქვა მატუშევსკიმ.

მეცნიერებმა დაადგინეს, რომ PLATO სავარაუდოდ ათიათასობით ეგზოპლანეტას აღმოაჩენს, რომელთა უმრავლესობაც დედამიწის მსგავსი იქნება.

"ყველაზე პესიმისტური პროგნოზით PLATO 500-ზე მეტ დედამიწის მსგავს ეგზოპლანეტას აღმოაჩენს", — ამბობს მატუშევსკი.

ვნახოთ, რა იქნება შემდეგი.