უორენ ბაფეტი მსოფლიოში ერთ-ერთი ყველაზე წარმატებული ინვესტორია. მეტიც, მას ცოცხალ ლეგენდადაც მოიხსენიებენ. Forebs-ის მიხედვით, ბაფეტი მსოფლიოს უმდიდრესი ადამიანების რეიტინგში მე-6 ადგილზეა და მისი პირად ქონება $114,9 მილიარდს შეადგენს.

ბაფეტი Berkshire Hathaway-ის მთავარი აქციონერი და ხელმძღვანელია, რომელიც, თავის მხრივ, ათეულობით კომპანიას ფლობს, რომელთა აქციების საბაზრო ღირებულება 300 მილიარდზე მეტია.

მიმდინარე წლის 15 მაისის ანგარიშის მიხედვით, ბაფეტის პორტფელში ეს ტოპ-5 კომპანია ირიცხება: Apple, Bank of America, Chevron, Coca Cola და American Express.

1. APPLE (AAPL) — მსოფლიოს უმსხვილესი ტექ-გიგანტი ბაფეტის პორტფელის თითქმის ნახევარს, 46,44%-ს იკავებს. ინვესტორი ამ კომპანიის 915 მილიონ აქციას ფლობს. ბოლო მონაცემებით, APPLE-ის ერთი აქციის ღირებულება 190,68 დოლარია. კომპანიის საბაზრო კაპიტალიზაცია 3 ტრილიონ დოლარზე მეტია.
2. BANK OF AMERICA CORP (BAC) — ამ უმსხვილეს ბანკს ბაფეტის პორტფელში 9,09%-იანი წილი აქვს. ინვესტორი Bank Of America-ს 1 მილიარდზე მეტ აქციას ფლობს. ბოლო ინფორმაციით, ამ კომპანიის ერთ აქციას 28,53 დოლარად შეიძენ. მისი საბაზრო კაპიტალიზაცია 227,36 მილიარდი დოლარია.
3. AMERICAN EXPRESS (AXP) — ეს კომპანია ბაფეტის პორტფელში მესამე ადგილზეა. ინვესტორი AMERICAN EXPRESS-ის 151,6 მილიონ აქციას ფლობს. არსებული მონაცემებით ამ კომპანიის ერთ აქციას 169,80 დოლარად შეიძენ — მისი საბაზრო კაპიტალიზაცია 126,2 მილიარდია.
4. COCA COLA (KO) — მსოფლიოში ერთ-ერთი ყველაზე დიდი ისტორიის მქონე ბრენდი ბაფეტის პორტფელში 7,63%-იანი წილით არის წარმოდგენილი. ინვესტორი ამ კომპანიის 400 მილიონ აქციას ფლობს. ამჟამად COCA COLA-ს ერთი აქცია 59,76 დოლარად ივაჭრება. ბოლო მონაცემებით, მისი საბაზრო კაპიტალიზაცია 258,4 მილიარდი დოლარია.
5. CHEVRON (CVX) — ეს აშშ-ის მულტინაციონალური გაზისა და ნავთობის მწარმოებელი კომპანიაა, რომელიც ბაფეტის პორტფელში 6,65%-იანი წილით არის წარმოდგენილი. ინვესტორი ამ კომპანიის 132 მილიონ აქციას ფლობს. ბოლო ინფორმაციით, კომპანიის ერთი აქცია 154,22 დოლარი ღირს. მისი საბაზრო კაპიტალიზაცია კი 288,3 მილიარდი დოლარია.

ბაფეტის პორტფელის სრული სია შეგიძლიათ იხილოთ აქ.

რაც შეეხება ბაფეტის უცხოურ ინვესტიციებს, 2020 წლის აგვისტოში ცნობილი გახდა, რომ ინვესტორმა 6 მლრდ დოლარი 5 უმსხვილეს იაპონურ კორპორაციაში ჩადო: Mitsubishi Corp., Mitsui & Co., Sumitomo Corp., Itochu Corp. და Marubeni Corp. ამასთან, 2022 წელს Berkshire Hathaway-მ ამ კომპანიებში ინვესტიციების მოცულობა გაზარდა.

აღსანიშნავია, რომ ბოლო მონაცემების მიხედვით, ბაფეტმა ინვესტიცია გაზარდა ნავთობის მწარმოებელ კომპანია Occidental Petroleum-ში. ამჟამად, ბაფეტის კომპანია Occidental Petroleum-ის 24,9%-ის მფლობელია.

საინვესტიციო სამყაროში უორენ ბაფეტის ყველა ნაბიჯს განსაკუთრებული ყურადღებით აკვირდებიან. ბევრი დამწყები და გამოცდილი ინვესტორი მას საუკეთესო მასწავლებლად მიიჩნევს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა D>riveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.