ხანგრძლივი პაუზის შემდეგ, პოპულარული ქართული სერიალი ჩემი ცოლის დაქალები ტელეეკრანებზე ბრუნდება. უკვე ისიც ვიცით, რომ მე-19 სეზონის პრემიერა ფორმულას ეთერში 7 ივლისს შედგება.

სულ ახლახან კი, ჩცდ-ის ახალი სეზონის პირველი თიზერიც გავრცელდა. ერთწუთიან ვიდეოში გოცირიძეების მონატრებულ ოჯახს სრული შემადგენლობით, სავარაუდოდ, ახალ ბინაში ვხედავთ. ამასთან, ვიგებთ, რომ ახალ სერიებს ყოველ პარასკევსა და შაბათს, საღამოს 10 საათზე ვიხილავთ.

ჩცდ-ის ამ დროისთვის ბოლო, მე-18 სეზონი გასული წლის ივლისში დასრულდა. მას შემდეგ სერიალის ბედი გაურკვეველი იყო. თუმცა, რამდენიმე კვირის წინ ფორმულას გენერალურმა დირექტორმა ზუკა გუმბარიძემ სერიალის დაბრუნება დააანონსა, მალევე კი ჩცდ-ის პროდიუსერისა და შემოქმედებითი გუნდისგან ახალი სეზონის შესახებ მნიშვნელოვანი სიახლეებიც შევიტყვეთ.

ფორმულა კრეატივის შექმნილი ჩცდ მაყურებელმა პირველად 2011 წელს იხილა. ის თავდაპირველად რუსთავი 2-ზე გადიოდა, მოგვიანებით კი, 2019 წელს, სერიალის შემქმნელების დაფუძნებულ ახალ არხზე, ფორმულაზე, გადაინაცვლა.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…