ხელოვნური ინტელექტის ინდუსტრიისთვის 2023 წელი მართლაც გამორჩეული აღმოჩნდა. წლების განმავლობაში კვლევებისა და ცდების შემდეგ, არაერთმა ტექ-გიგანტმა კომპანიამ ხელოვნურ ინტელექტზე დაფუძნებული პროდუქტი გამოუშვა, რამაც მათი საბაზრო კაპიტალიზაცია მილიარდობით დოლარით გაზარდა.

შესაძლებელია, მათ შორის საუკეთესო მაგალითებად ეს პროდუქტები და კომპანიებიც დავასახელოთ: OpenAI-ის მიერ გამოშვებული ChatGPT, Google Bard-ის ჩატბოტი Alphabet-გან, Microsoft-ის Azure და NVIDIA-ის მიერ შემოთავაზებული DGX GH200 სუპერკომპიუტერი.

აქ მთავარი ამბავი ის არის, რომ ხელოვნური ინტელექტზე დაფუძნებული ტექნოლოგია რომელიმე ერთი კონკრეტული სექტორით არ შემოიფარგლება და სხვადასხვა მიმართულებას ფარავს. მათ შორის: მედიცინას, სოფლის მეურნეობას, საყოფაცხოვრებო ელექტრომოწყობილობებს, საჰაეროს და თავდაცვის სფეროებს და ა.შ.

უნდა ითქვას, რომ AI-ის მიმართ ინტერესი მუდმივად არსებობდა, თუმცა, აღსანიშნავია, რომ ამ ინდუსტრიაში ბოლო ორი წლის განმავლობაში ფუნდამენტური ძვრები შეინიშნება.

პირველ რიგში, ეს ცვლილებები აისახა რთული ტექსტური, ვიზუალური და აუდიო კონტენტის გაციფრულებაში. გარდა ამისა, ხელოვნურმა ინტელექტმა ფართოდ მოიცვა განათლებისა და მეცნიერების სექტორები. ამასთან, რაც ყველაზე მეტად მნიშვნელოვანია, AI-მ გვაჩვენა, რომ მას საკუთარი თავის გაუმჯობესება შეუძლია. NVDIA, Google და სხვა კომპანიები უკვე იყენებენ ხელოვნურ ინტელექტს იმისათვის, რომ მასზე დაფუძნებული პროდუქტები განავითარონ.

ის, რაც ლაბორატორიებსა და ტექ-ინჟინრების სამუშაო სივრცეებში ხდება, საბოლოოდ მაინც საფონდო ბირჟებზე გადაინაცვლებს ხოლმე. უკვე გამოჩნდა, რომ AI-ის ინდუსტრიას საინვესტიციო სამყაროზე უზარმაზარი გავლენა აქვს.

ბოლო მონაცემების მიხედვით, კომპანიების მოგება, რომლებიც აწარმოებენ ან იყენებენ AI-ზე დაფუძნებულ პროდუქტებს, მზარდია. ბუნებრივია, ეს ზრდა კომპანიების აქციების ფასებზეც პირდაპირ აისახება. ანალიტიკოსები ფიქრობენ, რომ ხელოვნური ინტელექტის ტექნოლოგიების მასშტაბისა და ეფექტურობის გათვალისწინებით, საშუალო და გრძელვადიან პერსპექტივაში მსგავს კომპანიებს აქციების ზრდის უზარმაზარი პოტენციალი აქვთ.

ასეთია ტოპ-5 ჰოლდინგი, რომელიც AI-თან მჭიდროდ არის დაკავშირებული:

1. NVIDIA Corporation (NVDA) — ერთი აქციის ფასი — $384,8; ზრდა ბოლო 3 წლის ჭრილში — 430,1%;
2. Tesla (TSLA) — ფასი — $224,6; ზრდა — 380,4%;
3. Iridium Communications (IRDM) — ფასი — $64,1; ზრდა — 190,1%;
4. Deere & Company (DE) — ფასი — $381,8; ზრდა — 176,3%;
5. Alphabet (GOOG) — ფასი — $122,9; ზრდა — 86,2%.

^{* კომპანიები დალაგებულია ზრდის ტემპის მიხედვით, სრული სია შეგიძლიათ იხილოთ Galt&Taggart-ის კვლევაში აქ.}

აღსანიშნავია, რომ 2022 წელს AI-ის ინდუსტრიის საერთო შემოსავალმა 849 მილიარდს მიაღწია. ანალიტიკოსები ვარაუდობენ, რომ ეს მონაცემი 2025 წლისთვის 36%-ით გაიზრდება ტრილიონ დოლარს გადააჭარბებს.

როგორც ცნობილია, აქციებით ვაჭრობით დაინტერესებული ინვესტორები მზარდ და პერსპექტიულ ინდუსტრიებს ყოველთვის ყურადღებით აკვირდებიან. საფონდო ბირჟის ექსპერტები AI-თან დაკავშირებულ კომპანიებს სწორედ ასეთებად მიიჩნევენ. საიდუმლო არ არის, რომ განვითარების პროცესში მყოფი კომპანიის აქციების შეძენას გრძელვადიან პერსპექტივაში დიდი მოგების მოტანა შეუძლია. რა თქმა უნდა, ამ საქმეში გამოცდილი ადამიანები ნებისმიერი სახის საინვესტიციო ნაბიჯის გადადგმამდე კვლევის ჩატარებას და ამომწურავი ინფორმაციის მოძიებას გვირჩევენ.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.