The Witcher-ის მე-3 სეზონის გამოსვლამდე, რომელსაც ფანები სულმოუთქმელად ელოდებიან, სულ ცოტა დრო რჩება. ახლახან კი ნეტფლიქსმა სერიალის ტრეილერი გამოუშვა, რომელშიც ჰენრი კავილის პერსონაჟის, გერალტის, ირგვლივ საინტერესო და დაძაბული მოვლენები ვითარდება.

ჯერ კიდევ გასულ წელს გავრცელდა ინფორმაცია, რომ სერიალის მთავარი გმირის, გერალტის, როლს მე-4 სეზონში ჰენრი კავილის ნაცვლად ლიამ ჰემსვორტი მოირგებს. ასე რომ, ეს The Witcher-ის ბოლო სეზონია, რომლითაც სერიალს მაყურებელი ჰენრი კავილს ემშვიდობება.

როგორც ახალი სეზონის ტრეილერიდან ვიგებთ, წინ გერალტის დიდი ბრძოლა, ტრადიციული ნადირობა და დაძაბული სანახაობა გველის. პერსონაჟის თქმით, "რეალური შიში ცხოვრებაში პირველად გამოცადა" და იმის გასაგებად, თუ რას გულისხმობს გერალტი, ცოტა ხანი კიდევ ლოდინი მოგვიწევს.

უკვე ცნობილია The Witcher-ის მე-3 სეზონის პრემიერის თარიღიც. სერიალი ორ ნაწილად გამოვა: პირველ 5 ეპიზოდს მაყურებელი 29 ივნისს იხილავს, დანარჩენ 3 სერიას კი — 27 ივლისს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…